22:30 / 04.08.2018
2 491

Эктор Купер билан 6 август куни матбуот анжумани ўтказилади

Эктор Купер билан 6 август куни матбуот анжумани ўтказилади
Ўзбекистон миллий терма жамоаси бош мураббийи этиб тайинланган аргентиналик Эктор Рауль Купер 6 август куни, тонгги соат 06:10да Тошкентга учиб келади. Бу ҳақда ЎФА расмий сайти хабар берди.

Ислом Каримов номидаги Тошкент халқаро аэропортида 62 ёшли мутахассисни кутиб олиш маросими ташкил қилинади.

Шу куни соат 15:00да Миллий Олимпия қўмитаси анжуманлари залида Эктор Куперни мухлисларга таништириш маросими ҳамда у билан матбуот анжумани ташкил қилинади.

Анжуман давомида аргентиналик мутахассис ўз режалари билан ўртоқлашиб, журналистлар саволларига жавоб бериб ўтади.

Матбуот анжуманида барча турдаги оммавий ахборот воситалари ходимлари қатнашишлари мумкин.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)