06:00 / 10.08.2018
3 425

Европа Лигасининг энг яхши футболчиси бўлишга номзодлар рўйхати

Европа Лигасининг энг яхши футболчиси бўлишга номзодлар рўйхати
«Атлетико» клуби ҳимоячиси Диего Годин, унинг клубдоши Антуан Гризманн ва «Марсель» клуби ярим ҳимоячиси Димитри Пайет Европа Лигасининг 2017/18 мавсум якунларига кўра энг яхши футболчиси бўлишга номзод деб топилган. Бу ҳақида УЕФА расмий сайти хабар берди.

32 ёшли Годин 8 та ўйинда иштирок этиб жамоасининг 4 та ўйинда дарвоза даҳлсизлигини сақлашга кўмак берди. 27 ёшли Гризманн эса 8 та ўйинда 6 маротаба гол киритди (улардан иккитаси – финалда урилган голлар) ва 4 та голли узатмаларни амалга оширди. 31 ёшли Пайет эса жами 12 та ўйинда иштирок этиб, 3 та гол ва 7 та голли узатмага муаллиф бўлди.

Ғолиб номи 31 август куни эълон қилинади. Ўтган йили ушбу совринни «Манчестер Юнайтед» клуби ярим ҳимоячиси Поль Погба қўлга киритган эди.

Манба: www.uff.uz

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Европа Лигасининг энг яхши футболчиси бўлишга номзодлар рўйхати