07:01 / 02.09.2018
2 849

Роналду Италияда ўз ҳаёти учун хавфсирамоқда

Роналду Италияда ўз ҳаёти учун хавфсирамоқда
«Ювентус» клубининг португалиялик ҳужумчиси Криштиану Роналду туринликлар клуби раҳбариятдан уч тансоқчини ёллашни сўради.

Football Italia нашри тарқатган хабарга кўра, 33 ёшли футболчи Гран Мардедаги вилласига таклиф қилинмаган меҳмонлар кириб келишидан чўчимоқда.

Тансоқчилардан бири виллани, яна бири футболчининг оиласини, учинчиси эса ҳужумчининг ўзини қўриқлаши лозим.

Хабарда айтилишича, «Кьево» — «Ювентус» ўйинидан аввал аксилтеррор бўлинмалар хавфсизликни таъминлашга жалб этилгани Роналдунинг хавотирларига сабаб бўлган.

Роналду «Ювентус»га шу йилнинг ёзида 112 миллион евро эвазига «Реал» сафидан келиб қўшилди.

Россиядаги жаҳон чемпионати арафасида Роналдунинг хавфсизлигини таъминлаш учун аралаш усуллар бўйича жангчи Гонсало Сальгадо ва собиқ десантчи Нуно Марекос жалб этилганди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)