15:43 / 06.09.2018
4 690

Биродар Абдураимов: "Ҳаммани олдида қўлини кўксига қўйиб узр сўраб нима қилади? Бу кимга керак?"

Биродар Абдураимов: "Ҳаммани олдида қўлини кўксига қўйиб узр сўраб нима қилади? Бу кимга керак?"
Ўзбек футболининг тирик афсонаси Биродар Абдураимов Олимпия терма жамоамизнинг Осиё ўйинларидаги муваффақиятсизлиги ҳақида жиддий гаплар гапирди.

Эслатиб ўтамиз, чорак финалда Жанубий Кореяга (4:3) қарши ўйиндаги мағлубиятдан сўнг бош мураббий Равшан Ҳайдаров ва бир қатор футболчиларнинг ЎФА вице-президенти Умид Аҳмаджоновдан очиқчасига кечирим сўрашгани кўпчиликнинг жиддий танқидларига сабаб бўлган эди.

"Биз бошқа спортчиларимиз каби футболчиларимиздан ҳам муваффақиятларни кутгандик. Ҳеч бўлмаса финалга чиқишни кутгандик. Афсуски, улар ўзларига юклатилган вазифани уддалай олишмади. Умуман олганда, терма жамоамизнинг иштироки ҳақида нима дейиш мумкин? Мураббийни қилган ишини қаранг! Мағлубиятга учрагандан кейин бошини эгиб кечирим сўраши нимаси? Сен мураббиймисан, унда ютқазгандан кейин ариза ёзиб, ишдан кетмайдими? Ҳаммани олдида қўлини кўксига қўйиб узр сўраб нима қилади? Бу кимга керак? Ахир ютқазиб бўлишди-ку, ундан кўра ўз ихтиёри билан ишдан кетгани яхши-ку! Бундай иши билан кимни алдаяпти?", - дейди футболимиз фахри.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)