20:54 / 24.09.2018
2 305

Умид Аҳмаджонов ОФК Президенти Шайх Салмонни кутиб олди

Умид Аҳмаджонов ОФК Президенти Шайх Салмонни кутиб олди
Ҳозиргина юртимизга Осиё футбол конфедерацияси Президенти Шайх Салмон бин Иброҳим ал Халифа ташриф буюрди. Бу ҳақда ЎФА расмий сайти хабар бермоқда.

Ислом Каримов номидаги «Тошкент халқаро аэропорти»да ушбу мартабали меҳмонни ЎФА 1-вице-президенти Умид Аҳмаджонов бошчилигидаги мутасаддилар кутиб олишди. ОФК президентининг ташрифидан мақсад, ОФК Ижроқўмининг Тошкентда биринчи маротаба ўтказилаётган йтғилишида иштирок этишдир.

26 сентябрь куни Тошкент шаҳри ушбу йиғилишга мезбонлик қилади. Бугун шунингдек, юртимизга ОФК Бош котиби Дато Виндсор Жон ҳам етиб келган хақида хабар бериб ўтган эдик.

Пойтахтимиз бундай тадбирга биринчи марта мезбонлик қилаётганини алоҳида эътироф этиш керак. ОФК Ижроқўмининг навбатдаги йиғилишининг айнан юртимизда ўтказилиши, ОФК ҳамда ЎФА ўртасидаги алоқалар мустаҳкамлиги йўлида навбатдаги қадам вазифасини ўтаб беради.
Йиғилиш Тошкент шаҳридаги “International” меҳмонхонасида ўтказилади.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)