Юрген Клопп: "Футболнинг мақсади одамларни хурсанд қилиш. Биз одамлар ҳаётини қутқармаймиз"

«Ливерпуль» клуби бош мураббийи Юрген Клопп футболни қизиқарли бир машғулот деб ҳисоблашини айтиб ўтди.

«Челси» клуби билан дурангдан кейин биз Маурицио Сарри билан суҳбатлашдик, у менга кулиб қўйди. Сарри менга қаради ва шундай деди: «Ўйиндан лаззат олдингми?». Мен «Ҳа, албатта» деб жавоб бердим.

Менга ўша ўйин жуда ёқди, «Сити» билан ҳам яхши ўйинлар бўлган эди. Мен бу гапимни бир неча маротаба айтганман ва яна айтаман: футболнинг асосий мақсади одамларни хурсанд қилиш. Бу атиги футбол, ундан ортиқ эмас.

Биз одамлар ҳаётини қутқармаймиз, ҳеч нарса яратмаймиз, жарроҳлик амалиёти қилишни билмаймиз. Биз бор йўғи футболда яхшимиз. Агар одамларни хурсанд қилмасак, футбол ўйнашни нима кераги бор? Афсуски, ҳар доим ҳам бунинг имкони бўлмайди. Одамларни хурсанд қилиш – жуда ҳам оғир иш», - дейди Клопп.

Манба: www.uff.uz “Замин” янгиликларини “Инстаграм”да кузатиб боринг