Маҳмуд Ғоипов профессионал боксдаги илк рақибини нокаутга учратди

  • 11 ноябрь 2018, 15:30
  • 1 507
  • Спорт
  • Маҳмуд Ғоипов профессионал боксдаги илк рақибини нокаутга учратди
    10 ноябрь куни Россиянинг Екатеринбург шаҳрида RCC BOXING PROMOTIONS промоутерлик компанияси томонидан ташкил этилган профессионал бокс кечасида ўзбекистонлик боксчилар рингга чиқишди.

    Профессионал боксда фаолият бошлаган Маҳмуд Ғоипов танзаниялик Идди Макверага қарши рингга кўтарилди. Ўзбекистонлик боксчи биринчи раунддаёқ рақибни нокдаун ҳолатига туширди. Бу вазиятда раунд якунланиб қолгани туфайли танзаниялик боксчи нокаутдан қутулиб қолди. Аммо учинчи ва тўртинчи раундларда ҳам Ғоиповнинг кучли зарбаларини ўтказиб юбориб, полга қулагач, рефери техник нокаут қайд этди.

    Шу тариқа, Маҳмуд Ғоипов профессионал боксдаги илк жангидаёқ нокаут билан ғалаба қозонди.

    Ҳаваскор боксда 69 килограммгача бўлган вазн тоифасида иштирок этган Маҳмуд Ғоипов 2016 йилнинг февралида Болгариядаги халқаро турнирда ғолиб бўлган, 2016-2018 йилларда «Uzbek Tigers» жамоаси сафида мусобақаларда қатнашган.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Маҳмуд Ғоипов профессионал боксдаги илк рақибини нокаутга учратди