Ирландия пойтахти Дублин шаҳрида Евро-2020 мусобақасининг саралаш босқичига қуръа ташлаш маросими бўлиб ўтди ва Европадаги 55та миллий терма жамоа саралаш босқичидаги ўз рақиблари номини билиб олишди.
Чемпионатнинг амалдаги ғолиби Португалия терма жамоаси B гуруҳидан жой олди, бу гуруҳда яна Украина, Сербия, Литва ва Люксембург каби терма жамоалар бор.
2018 йилги жаҳон чемпиони бўлган Франция эса H гуруҳида Исландия, Туркия, Албания, Молдова ва Андорра каби терма жамоаларга қарши баҳс олиб боради.
Саралаш босқичида 55 жамоа 10 гуруҳга ажратилган. Гуруҳ босқичи 2019 йил ноябрида старт олади.
Европа чемпионати 2020 йилнинг 12 июнидан 12 июлига қадар қитъанинг 12та йирик шаҳрида ўтказилади.
A гуруҳи: Англия*, Чехия, Болгария, Черногория, Косово*.
B гуруҳи: Португалия*, Украина*, Сербия*, Литва, Люксембург.
C гуруҳи: Нидерландия*, Германия, Шимолий Ирландия, Эстония, Беларусь*.
D гуруҳи: Швейцария*, Дания*, Ирландия, Грузия*, Гибралтар.
E гуруҳи: Хорватия, Уэльс, Словакия, Венгрия, Озарбойжон.
F гуруҳи: Испания, Швеция*, Норвегия*, Руминия, Фарер ороллари, Мальта.
G гуруҳи: Польша, Австрия, Исроил, Словения, Македония*, Латвия.
H гуруҳи: Франция, Исландия, Туркия, Албания, Молдова, Андорра.
I гуруҳи: Бельгия, Россия, Шотландия*, Кипр, Қозоғистон, Сан-Марино.
J гуруҳи: Италия, Босния ва Герцеговина*, Финляндия*, Греция, Арманистон, Лихтенштейн.
*Миллатлар Лигасининг гуруҳ босқичи ғолиблари ўзлари учун камида ўтиш ўйинини кафолатлаб қўйишган.
Ҳар гуруҳдан иккита энг яхши жамоа Европа чемпионатида иштирок этади. Яна тўртта йўлланма эгаси 2020 йил март ойида Миллатлар Лигаси гуруҳ ғолиблари ўртасида ўтказиладиган ўтиш ўйинлари ёки жамоаларнинг рейтингдаги поғонаси орқали аниқлаб олинади.
УЕФА Ижроқўми қарорига кўра, қуйидаги жамоалар бир гуруҳдан ўрин олишмайди: Гибралтар ва Испания, Босния ва Герцеговина ҳамда Косово, Косово ва Сербия. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия дунёдаги биринчи водород ёқилғили автомобилни тақдим этди
АҚШнинг Ғазодаги сиёсатидан норози Давлат департаменти расмийси истеъфога чиқди
Қайси кундалик одатлар иммунитет пасайишига олиб келишини биласизми?
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Зоир Мирзаев “Телефонсиз мактаб”га 300 млн сўм мукофот берди
