Ўзбекистон терма жамоаси Осиё Кубогига тайёргарликнинг финал босқичини Туркияда (15-29 декабрь) бўладиган йиғинда ўтказади.
Аргентиналик мутахассис мазкур йиғинга 30 нафар футболчини кенгайтирилган таркибга киритган. Осиё Кубогига борадиган якуний 23талик рўйхатдан ким ўрин олиши айнан мазкур йиғинда ҳал этилади. Шунингдек, қолган 7 футболчи захира (жароҳат ёки бошқа форс-мажор туфайли кимдир сафдан чиқиб қолиши мумкин) сифатида кенгайтирилган таркибда туради.
Хўш, кенгайтирилган таркибда кимлар бор? Купер бу йиғинга янги номларни ҳам таклиф этган. Масалан, "Пахтакор" ярим ҳимоячиси Дилшод Раҳматуллаевни ҳам Туркияга борадиган йиғинга жалб этади. Афтидан Купер марказий ярим ҳимоя чизиғимиздан кўнгли тўлмаяпти.
Жароҳати туфайли ўтган йиғинларда тўлиқ иштирок этолмаган ҳимоячи Шерзод Аъзамов ҳам терма жамоадан чақирув олган.
Купер кенгайтирилган таркибга "Локомотив"дан 7 нафар футболчи чақирган. Улар ичида Сардор Рашидов ҳам бор. Энг кўп вакил "Пахтакор" жамоасидан чақирилган.
Туркияга 4 нафар кипер билан борилади. Жавоҳир Илёсов тўртинчи дарвозабон сифатида терма жамоадан таклиф олиш арафасида.
Тез орада ЎФА томонидан Туркияга борадиган кенгайтирилган таркиб расман эълон қилиниши керак.
Манба: championat.asia “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Футзал. Осиё Кубоги. Тожикистон Японияни гуруҳда қолдирди
Швейцария президенти Путинга мактуб йўллади
Академик Қодир Ғуломов Қўшработда бўлди
Рамзан Қодировнинг 19 ёшли қизи медаль билан тақдирланди
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Ўзбекистонда ўтган уч ойда қанча автомобиль ишлаб чиқарилган?
Олимлар ўқувчиларнинг фамилиясидаги бош ҳарф уларнинг баҳосига таъсир қилишини аниқлади
