Моуриньонинг кетиши «ПСЖ»га қандай таъсир қилади?

Чемпионлар Лигаси нимчорак финалига икки ой қолганида «Манчестер Юнайтед» бош мураббийи Жозе Моуриньо истеъфога чиқарилди. Демак баҳорги давргача янги бош мураббий клубда қайта қуриш ишларини олиб борилади. «ПСЖ» учун эса бу ўзгаришлар жиддий оқибатларга олиб келиши мумкин.

Бундай бўлиши эртами-кечми содир бўлиши аниқ эди. Бироқ Моуриньонинг истеъфоси тезда содир бўлиши кутилмаган эди. Моуриньо Чемпионлар Лигаси қуръасининг эртасига, «Ливерпуль»га қарши дербидаги мағлубиятдан икки кун ўтиб «қизил иблислар» бошқарувидан озод этилди. Европа Чемпионлар Лигасининг икки карра ғолиби («Порту» ва «Интер») февралда Неймар жамоасига қарши ўз шогирдларини олиб чиқа олмайди. Бу эса бир неча саволларни ўртага чиқаради?

«Исталмаган шахслар» қайтиши мумкинми?

Поль Погба, Алексис Санчес, ҳаттоки Антони Марсьяль Жозе Моуриньо қўли остида вақти-вақти билан ёки мунтазам равишда «исталмаган шахс» бўлиб келди. Айниқса бу рўйхатнинг биринчи қаторидаги Погба мураббий томонидан оммавий чиқишларда танқид қилиб келинди, унинг клубдан кетиши ҳақидаги трансфер миш-мишлари пайдо бўлди. Аммо унинг спорт формаси тушиши энг ёқимсизи бўлди. «ПСЖ» албатта 12-февраль куни жаҳон чемпионини ўйнашини истамайди. Ахир парижликлар унинг нималарга қодирлигини жуда яхши билишади. Айнан Погба ўтган июнда терма жамоасини бош соврин сари етаклаб борганди. «Ўзгача»нинг кетиши эса Погбанинг яна жамоада муҳим фигурага айланишини таъминлаши мумкин. «Пари Сен-Жермен» эса бунга жиддий тайёргарлик кўриши керак.

Кучли жамоага айланиши мумкинми?

Якка шахслар билан бирга, бош мураббийнинг тактикаси ва жамоасига бўлган муносабати ҳам футболда кўп нарсани англатади. Моуриньо «Манчестер Юнайтед»нинг барча кўнгилсизликларида тўлиқ айбдор бўлмасада, унинг “қизил иблислари” катта учрашувларда ўзларининг ўйинларини деярли кўрсата олмади ва майдонда бирдамликни умуман намойиш қилмади. «ПСЖ» эса бундай «МЮ»ни икки ой ўтиб кўрмаслиги ҳозирданоқ кафолатланган. Янги келадиган бош мураббийнинг қиладиган ўзгаришлари юқорида тилга олинган факторларни қайта ишлаб чиқиш бўлади. Албатта клуб асосий эътиборини Премьер Лигага қаратади. Улар «кучли тўртлик»дан ҳозирча 11 очкога ортда қолмоқда ва турнир поғонасида 6-ўринни банд қилишган. Аммо икки фронтда кураш олиб бориш уларнинг қўлларидан келади.

Олдин ўқиш қийин бўлган ўйин услуби?

Асосий фигуралар қайтиши, бирдамлик кучайишидан ташқари парижликлар ЕЧЛдаги рақибининг ўйин схемаси ўзгариши муаммоси билан ҳам тўқнаш келишлари мумкин. Француз клуби Манчестер жамоасига қарши қандай ҳаракатланишни билмаслиги мумкин. Боиси ЕЧЛ нимчорак финалига қадар «манкунианлар» атиги 10 учрашув ўтказади. Шундан атиги биттаси жиддий рақиб – «Тоттенхэм»га қарши учрашув бўлади. Бу ўйинларда «Манчестер Юнайтед»нинг тактик ишланмаларини ўрганиб чиқиш мумкинми? Бироқ «МЮ»да Зиданнинг Бенитесдан кейин, Роберто Ди Маттеонинг Моуриньодан кейин амалга оширган авто-бошқарув шаклида содир бўлганидек ҳолат юз бермайди. Ўшанда номи тилга олинган мураббийлар шунчаки жамоага бошқарувни топшириб қўйиб якунда мавсумни йирик совринлар билан тугатишга эришганди.

Қишки трансфер бозоридаги кучайиш?

Жозе Моуриньонинг жамоа бош мураббийлигидан кетишига қарамай, таркибнинг сифати клубнинг энг ожиз нуқтаси бўлиб қолаверади. Бундай таркиб билан улар нимчорак финалда «ПСЖ»га, Премьер Лигада «Манчестер Сити»га қарши умуман рақиблик қила олмайди.

У фаолияти давомида бир неча трансферларни кучли футболчига айлантира олган бўлсада, жамоада ўз чизиғида дунёнинг энг яхшилари йўқ. Матс Хуммелс, Жером Боатенг ёки Калиду Кулибалиларнинг ўрнига Эрик Байи ва Виктор Линделёфлар ҳаракат қилмоқда. «ПСЖ» «қизил иблислар»нинг қишки трансфер бозоридаги харидларини жиддий кузатиб бориши аниқ. УЕФА бундан буёғига клубларга ЕЧЛ да бошқа клуб билан ўйнаган икки футболчини харид қилишларига имкон беради. Демак, «қизил иблислар» икки энг кучли харидларни амалга оширишлари мумкин. Бу эса Париж клуби учун ёмон хабар. Нима бўлган тақдирда ҳам, нимчорак финалда биз бутунлай бошқача «МЮ»ни кўришимиз аниқ. Бу эса мусобақа жозибадорлигини янада ошириши турган гап.

Манба: Sports.uz “Замин” янгиликларини “Youtube”да кузатиб боринг