10:27 / 31.12.2018
3 301

​"Локомотив" янги йил олдидан яна бир трансферни амалга оширди

​"Локомотив" янги йил олдидан яна бир трансферни амалга оширди
Ўзбекистоннинг амалдаги чемпиони ўз таркибини кучайтириш ишларини олиб бормоқда.
Бунга қадар жамоа АГМКда тўп тепган легионер Йован Жокич, ўтган мавсумни "Бунёдкор"да ўтказган сербиялик ҳужумчи Филип Раевац ҳамда жамоанинг собиқ футболчиси Азизбек Ҳайдаровни ўз таркибига қўшиб олганди.

"Локомотив"нинг янги мавсум ҳисобидан тўртинчи трансфери элитани тарк этган "Нефтчи" ҳимоячиси Авазбек Ўлмасалиев бўлди. Мазкур иқтидорли ҳимоячи ўтган мавсумда Суперлигада ёрқин ўйинлари билан барчада илиқ таассурот қолдирганди. Бизга маълум бўлишича, Ўлмасалиев ва "Локомотив" келишувга эришган.

Кеча "Локомотив" жамоасининг чемпионлик муносабати ва янги йилга аталган байрам базми бўлиб ўтди. Унда футболчиларга олтин медаллар топширилди. Шунингдек, клуб раҳбарияти бугун, яъни 31 декабрь куни жамоанинг асосий таркиб футболчиларига чемпионлик учун "Жентра" автомобилларини топшириши кутилмокда.

Айни пайтда "Локомотив" жамоасининг бир қатор футболчилари билан шартнома муддати тугаган. Ҳозирча жамоа Игнатий Нестеров, Маъмур Икромов, Садриддин Абдуллаев каби футболчилари билан янги битимга имзо чеккан. Қолган етакчиларга янги шартномалар таклиф этилган. Бироқ улар билан янги келишув ҳали расмийлаштирилмаган. Қайд этиш керакки, жамоанинг қатор футболчиларига АГМК, "Навбаҳор" ҳамда "Пахтакор" жамоаларидан қизиқиш ва таклифлар мавжуд.


Манба: Championat.asia

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » ​"Локомотив" янги йил олдидан яна бир трансферни амалга оширди