Альберто Дзаккерони: "БАА учун тарихий ғалаба бўлди"

  • 26 январь 2019, 10:30
  • 1 455
  • Спорт
  • Альберто Дзаккерони: "БАА учун тарихий ғалаба бўлди"
    Осиё Кубоги-2019 чорак финали доирасидаги БАА - Австралия (1:0) учрашувидан сўнг Альберто Дзаккерони ўз фикрларини билдирди.
    "Бугун тарихий ғалабага эришдик. Катта ютуқ бўлди. Австралия амалдаги чемпион ҳисобланади. Қолаверса жуда ҳам кучли жамоа. Шунга қарамай биз уларни мусобақадан чиқариб юбордик ва бундан хурсандмиз.

    Ўйин жуда кескин кечди. Жароҳатларга бой бўлди. Охирги 15 ойда жуда кўп шогирларим жароҳат олишди. Аммо бугун ким тайёр бўлса шулар майдонга тушди ва ўзларини кўрсатиб ярим финалга чиқишимизга муносиб хисса қўшишди. Бугун майдонга тушган футболчиларим билан фахрланаман.

    Биз ҳар бир ўйинда охиригача курашамиз. Бугунги баҳсда икки футболчим жароҳат олди ва мажбурий ўзгаришни амалга оширдик.

    Агар жамоам ютқазса ҳар қандай танқидга тайёрман. Муҳими ҳар бир ўйиндан туғри хулоса чиқариш керак. Агар тактик томонлама яхши ўйналса, жамоа ўз мақсадига эришади.
    Шу ўринда мухлислар ва Осиё Кубогини ёритаётган матбуот вакилларига раҳмат айтаман.

    Бугун қўшимча вақт бўлганида нима бўларди? Бу биз учун қийин бўларди. Чунки биз техник ўйин намойиш этамиз, Австралия эса жисмоний ҳаракатга таяниб ўйнайди. Шу боис биз чарчаб қолардик, рақиб эса чарчамасди ва бунинг оқибатида ғалабага эришиши мумкин эди.

    Кейинги ўйинимиз Қатарга қарши кечади. Ўйлайманки бу баҳс ҳам ўзига яраша қизиқ бўлади. Эртадан рақибни ўрганишни бошлаймиз. Ярим финалда майдонга тушадиган футболчиларим ўзини кўрсата олади деб умид қиламан", - дейди Альберто Дзаккерони.

    » » Альберто Дзаккерони: "БАА учун тарихий ғалаба бўлди"