Жангга 3 кун қолганда Баҳодир Жалоловнинг рақиби ўзгарди

  • 13 март 2019, 12:23
  • 1 540
  • Спорт
  • Жангга 3 кун қолганда Баҳодир Жалоловнинг рақиби ўзгарди
    Профессионал бокснинг ўта оғир вазн (+90,7 кг) тоифаси вакили ўзбекистонлик Баҳодир Жалолов (4 та ғалаба, 4 та нокаут) 15 март куни АҚШда ўзининг бешинчи жангини ўтказиши керак эди. Аммо жангга уч кун қолганда Баҳодирнинг рақиби ўзгарди.

    Аслида Жалолов колумбиялик Сантандер Силгадога (28 та ғалаба, 6 та мағлубият) қарши ўтказиши керак эди.

    Маълум бўлишича, ўзбекистонлик боксчи энди америкалик боксчи Вилли Ҳарвейга қарши рингга кўтарилади. Жанг Калифорния штатининг Тастин шаҳрида ўтказилади.

    Эслатиб ўтамиз, Баҳодир 2018 йилнинг 9 декабрида америкалик Валентин Маркесга қарши рингга кўтарилиб, уни 1-раунддаёқ нокаутга учратганди.

    Маълумот учун, Ҳарвей 5 маротаба жанг ўтказиб, уларнинг 3 тасида ғолиб бўлган (3 та нокаут). 1 марта мағлуб бўлган ва яна 1 марта дурангга эришган.

    » » Жангга 3 кун қолганда Баҳодир Жалоловнинг рақиби ўзгарди