15:30 / 23.04.2019
3 127

Осиё чемпионати. Санжар Турсунов ярим финалга чиқди (видео)

Осиё чемпионати. Санжар Турсунов ярим финалга чиқди (видео)
Таиланднинг Бангкок шаҳрида бокс бўйича Осиё чемпионатининг чорак финали доирасидаги жанглар давом эттирилмоқда.

Ўзбекистон жамоасининг -91 кг вазн тоифасидаги вакили Санжар Турсунов қирғизистонлик Чингиз Борбашевга қарши рингга кўтарилиб, 3 раунд давом этган жангда ғалаба қозонди ва турнирнинг ярим финали йўлланмасини қўлга киритди.

Эслатиб ўтамиз, бунгача Ўзбекистон эркаклар жамоасидан Шукуржон Раҳимов (-60 кг) туркманистонлик рақибини енгиб, яримфиналга чиққан, Исроил Мадримов (-75 кг) эса қозоғистонлик боксчига мағлуб бўлганди.

22 апрель кунги баҳсларда эса ўзбекистонлик 4 нафар боксчи ярим финал йўлланмасини қўлга киритган, жамоанинг яна 4 нафар вакили, жумладан Ҳасанбой Дўсматов ҳам мағлубиятга учраб, мусобақани эрта якунлаган эди.

Бугунги жанглар доирасида Ўзбекистоннинг яна 3 нафар вакили рингга кўтарилади.

Кечки дастур:
-69 кг: Бобо Усмон Батуров – Асланбек Шимбергенов (Қозоғистон)
+91 кг: Баҳодир Жалолов – Хаипенг Му (Хитой)
-64 кг: Мафтуна Мелиева – Сучада Панич (Таиланд).

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Осиё чемпионати. Санжар Турсунов ярим финалга чиқди (видео)