«Ливерпуль» 5 та гол урилган учрашувда «Ньюкасл»ни зўрға ютди (видео)

Юрген Клопп қўл остидаги «Ливерпуль» жамоаси «Ньюкасл»га қарши майдонга тушди.

Учрашувнинг 13-дақиқасида мерсисайдликлар ҳимоячиси Виржил ван Дейк ҳсиобни очган бўлса, 20-дақиқага келиб «Ньюкасл» ярим ҳимоячиси Кристиан Ацу Алиссон Беккер қўриқлаётган дарвозани ишғол қилди (1:1). Орадан 8 дақиқа ўтиб «қизиллар» етакчиси Муҳаммад Салоҳ жамоасини ҳисобда олдинга олиб чиқди (2:1). 54-дақиқада эса мезбон жамоа аъзоси Саломон Рондон ҳисобни тенглаштирди (54). 84-дақиқада Муҳаммад Салоҳ ўрнига захирадан майдонга тушган Дивок Ориги жамоасининг ғалаба голини урди (3:2).

Шу тариқа «Ливерпуль» қийин кечган ўйинда «Ньюкасл»ни 3:2 ҳисобида мағлубиятга учратди ва муҳим 3 очкога эга бўлди.

Мазкур ғалабадан сўнг Юрген Клопп жамоаси 94 очко тўплаб, мусобақа жадвалида етакчиликни ўз қўлига олди. Ундан 2 очко кам жамғарган «Манчестер Сити» эса 2-ўринда бормоқда.

Ньюкасл – Ливерпуль 2:3
Голлар: 0:1 – 13 ван Дейк, 1:1 – 20 Атсу, 1:2 – 28 Салах, 2:2 – 54 Рондон, 2:3 – 86 Ориги.
Ньюкасл – Дубравка, Ласселс, Дамметт, Манкильо, Шер (Муто, 90), Хэйден, Ритчи, Ки Сон Ен, Атсу, Рондон, Перес.
Ливерпуль – Алиссон, Александер-Арнолд, ван Дейк, Ловрен (Милнер, 83), Робертсон, Фабиньо, Вейналдум (Шакири, 66), Хендерсон, Мане, Салоҳ (Ориги, 73), Старридж.
Огоҳлантиришлар: Шер (45), Милнер (90). “Замин” янгиликларини “Facebook”да кузатиб боринг