Ҳабиб энг яхши жангчи бўлиш учун кимларни мағлуб этиши кераклигини айтди

^{Фото: Google Images}
UFC чемпиони Ҳабиб Нурмагомедов Дастин Поре билан кечадиган жанг олдидан бўлиб ўтган матбуот анжуманида Тони Фергюсон ҳамда Жорж Сен-Пьер билан жанг қилишга қарши эмаслигини маълум қилди. Бу ҳақда «Спорт-Экспресс»га таяниб Дарё хабар берди.

«Сен-Пьер? У қайтадими ёки йўқми, билмадим. Лекин бу мен ёзаётган тарихда муҳим воқелик бўлар эди. Мен Дастин, Тони Фергюсон ва Жорж Сен-Пьерни ютишим шарт. Шундагина ҳар қандай вазн тоифасидан қатъи назар биринчи рақамли бўламан» — деди Ҳабиб.

Эслатиб ўтамиз, жорий йилнинг февраль ойида Сен-Пьер фаолиятини тугатганлиги ҳақида маълум қилганди.
Маълумот учун, Ҳабиб Нурмагомедов 7 сентябрь куни Дастин Порега қарши октагонга кўтарилади. «Замин»ни Telegram’да ўқинг!