Бектемир Мелиқўзиев дебют жангида рақибни биринчи раунддаёқ нокаутга учратди (видео)

^{Фото: Twitter/@GoldenBoyBoxing}
Профессионал бокснинг супер ўрта (-76,2 кг) вазн тоифасида фаолиятини бошлаган ўзбекистонлик Бектемир Мелиқўзиев (1-0, 1 КО) дебют жангини ўтказди.

Лос-Анжелесда, Ҳолливуддаги The Avalon саройида профессионал боксдаги илк жангида шу вақтга қадар профессионал рингда 46 жанг ўтказган аргентиналик Мартин Фидел Риосга (23-20-4, 13 КО) қарши рингга кўтарилди.

6 раундга мўлжалланган жангнинг биринчи раундидаёқ профи-боксдаги фаолиятини «безори» (Bully) лақаби билан бошлаган ўзбекистонлик спортчи томонидан берилган дастлабки кучли зарба Риосни ерга қулатди ва ҳакам соф нокаут қайд этди.

pic.twitter.com/VMlaCGeZIq

— Tim - Boxeo 拳闘 Boxen бокс มวย Boks 拳击 Box (@Hock1717) June 14, 2019

Қайд этиш лозим, аргентиналик боксчи узоқ вақт ўзига кела олмай ўрнида тура олмади. Шундай қилиб Мелиқўзиев ўзининг дебют жангида ғалаба қозонди.


^{Фото: Twitter/@GoldenBoyBoxing}
Бектемир Мелиқўзиев шу йилнинг апрелидан буён Америкада «Мир бокса» промоутерлик клуби таркибида машғулотларда иштирок этиб келмоқда. GoSport.uz интернет-нашри маълумотига кўра, унинг мураббийлари Жоэл Диас ва Антонио Диас ҳисобланади.

^{Фото: Twitter/@GoldenBoyBoxing} «Замин»ни Telegram’да ўқинг!