Ўзбекистон Кубогининг 1/8 финалидан ўрин олган “Сурхон” – “Локомотив” учрашуви ўз якунига етди. Термизда бўлиб ўтган баҳсда майдон эгалари иродали ғалабани қўлга киритишди.
Учрашувнинг 7-дақиқасида Сардор Мирзаев жарима майдони ташқарисидан рақиб дарвозасини ишғол қилди. Шундан кейин ҳам “Локо” футболчилари бир нечта қулай имкониятларгаэга бўлишди, бироқ улар самарасиз бўлди.
Биринчи бўлим якунланиши арафасида меҳмонлар ҳимояда хатога йўл қўйишди. 39-дақиқада Азамат Исроилов рақиб ҳимоясидаги палапартишликдан унумли фойдаланиб мувозанатни тиклади.
Иккинчи бўлимда ҳам кичик устунлик “темирйўлчилар” томонида бўлди, бироқ бу ҳисобда акс этмади. 82-дақиқада Абдул Азиз Юсупов мезбонларга ғалаба келтирган голга муаллиф бўлди.
Ҳакам томонидан қўшиб берилган вақтда “Локо” дарвозаси томонига пенальти белгиланди. Шундан кейин Ислом Тўхтахўжаев асабларини жиловлай олмади ва ҳакамга эътироз билдиргани учун майдондан четлатилди.
Шу тариқа, “Сурхон” кубок чорак финалига йўл олди. “Локомотив” эса мусобақани тарк этди.
Соса Соla Ўзбекистон Кубоги 1/8 финал
"Сурхон" – "Локомотив" 3:1 (1:1, 2:0)
Голлар: 0:1 - 7 Мирзаев, 1:1 - 39 Исроилов, 2:1 - 82 Юсупов, 3:1 - 90+3, пенальти Станоевич.
"Сурхон": Сардор Қобулжонов, Абдуқаҳҳор Хожиакбаров, Азамат Исроилов (Асрор Ғофуров, 60), Раҳматулло Бердимуродов, Абдулазиз Юсупов, Аброр Исмоилов, Элдор Бойматов, Владимир Бубанья, Ҳусниддин Ғофуров, Аъзам Алиев, Дарко Станоевич.
"Локомотив": Жавоҳир Илёсов, Анзур Исмоилов, Остон Ўрунов, Жамшид Искандеров, Сардор Мирзаев (Диёржон Туропов, 85), Темурхўжа Абдухолиқов (Ариагнер Смит Медина, 65), Ислом Тўхтахўжаев, Йован Жокич, Даврон Ҳошимов, Арсланмират Аманов, Игорь Йелич.
Огоҳлантиришлар: Қобулжонов (15), Тўхтахўжаев (90+1)
Четлатиш: Тўхтахўжаев (90+1) «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Қайси кундалик одатлар иммунитет пасайишига олиб келишини биласизми?
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда