"Ўзбек Канелоси" юксак эътибордан хурсанд (фото)

  • 14 сентябрь 2019, 23:15
  • 939
  • Спорт
  • "Ўзбек Канелоси" юксак эътибордан хурсанд (фото)
    Маҳоратли профессионал боксчимиз “Ўзбек Канелоси” номи билан машҳур Хусниддин Пўлатов чемпионлик жангидан сўнг, юртимизга қайтиб келди. Чармқўлқоп устасини ўзи туғилиб ўсган Андижон вилояти, Пахтаобод туманида тантанали равишда кутиб олишди. Туман ҳокимининг ўзи бошчилигида, ўзига хос тадбир уюштирилиб, боксчимизни нуфузли камарларни қўлга киритиши учун дуога қўл очиш баробарида омадлар тилаб қолишди.

    “Албатта, бундай эътибордан бошим кўкка етди. Ўз ўрнида юксак даражадаги эътибор, эҳтиром учун барчага, жумладан, туман ҳокимига ҳам ўз миннатдорчилигимни билдириб қоламан”, -дейди Хусниддин Пўлатов.

    Эслатиб ўтамиз: Хусниддин 7 сентябрь куни жанубий кореялик Ин Дук Сеони мағлубиятга учратиб, 66 кгда WBA Asia камари соҳибига айланганди. Бир қанча муддат аввал, юртдошимиз 69 кг вазн тоифасида ҳам мазкур камарни қўлга киритишга муваффақ бўлган.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » "Ўзбек Канелоси" юксак эътибордан хурсанд (фото)