Бутунжаҳон Шахмат олимпиадасида шахматчиларимиз 2-ўринни эгаллашди

  • 08 ноябрь 2019, 15:18
  • 363
  • Спорт
  • Бутунжаҳон Шахмат олимпиадасида шахматчиларимиз 2-ўринни эгаллашди
    Жорий йилнинг 28 октябр ва 6 ноябр кунлари, Туркиянинг Чорум шаҳрида 16 ёшгача бўлганлар орасида Бутунжаҳон Шахмат олимпиадаси бўлиб ўтди.

    Ўзбекистон Шахмат федерацияси матбуоти хизмати маълумотига кўра, спортчиларнинг мусобақада қатнашиш харажатларини Рақамли иқтисодиёт қўллаб қувватлаш “Рақамли ишонч” фонди томонидан молиялаштирилган.

    Юртимиз шарафини Халқаро тоифадаги гроссмейстерлар Абдусатторов Нодирбек, Синдаров Жавоҳир, ФИДЕ спорт устаси Касимов Али, Мадаминов Муҳиддин, Халқаро тоифадаги спорт устаси Омонова Умида ҳимоя қилишди ҳамда турнирда қатнашган 250 дан ортиқ иштирокчи орасида жамоавий ҳисобда фахрли 2 - ўринни эгаллашди.

    16 ёшгача бўлганлар орасида Бутунжаҳон Шахмат олимпиадаси 9 турдан иборат бўлиб, швейцарча тизимда бўлиб ўтади. 9 тур натижасига кўра, ҳамюртларимиз 15 очко жамғаришди. Биринчи ўринни Озарбайжон терма жамоаси 16 очко билан, 14 очко билан Беларус термаси учинчи ўринни эгаллашди.
    Шахматчиларимизга ғалабалар давомийлигини тилаб қоламиз.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Бутунжаҳон Шахмат олимпиадасида шахматчиларимиз 2-ўринни эгаллашди