Ўзбекистон миллий терма жамоаси учун муваффақиятсиз якун топган Саудия Арабистонига қарши учрашувдан сўнг ЎФА матбуот ва медиа департаменти бошлиғи Даврон Файзиев ҳам муносабатини билдириб ўтди.
- Таблода акс этиб турган 2-3 ҳисоби бугунги терма жамоамиз намойиш этган ўйинга мос бўлдими? Умуман натижани адолатли десак бўладими?
- Натижа баҳсга у қадар мос бўлмади. Ўзбекистон миллий терма жамоаси бутун устунлик билан ҳаракат қилди. Вазиятлар ҳам кўп бўлди. Ҳакамнинг ҳам айрим қарорлари тушунарсиз бўлди. Бутун учрашув давомида катта устунлик қилган жамоа, оҳирги дақиқаларда рикошетдан гол ўтказиб юборса руҳий тушкунликка тушиб қолади. Голдан сўнг концентрация йўқотилди. Ҳаммаси рақибнинг иккинчи голидан сўнг ўзгариб кетди. 85-дақиқагача Ўзбекистон саудияликларга асло имконият қолдирмади. Иккинчи бўлимда улар деярли хавфли вазият юзага келтирмади. Биргина зарбасини айтмаганда, ўшанда ҳам Элдор Суюнов қутқарди.
- Вадим Абрамов ҳар қандай рақибга услубини ўзгартирмайди. Балки, бугун сўнгги дақиқаларда бироз эҳтиёткорликни ўйлаш керакмиди?
- Тўғри. 86-дақиқагача ҳаммаси яхши йўлга қўйилаётган эди. Агар, рикошет бўлмаганида ҳимояга ётиб тўғри қилган бўлар эдик дейишимиз мумкин. Мағлубиятга учрайдиган ўйин эмасди. Энг камида дурангга лойиқ бўлиб тургандик.
- Энди Саудияни сафарда мағлуб этишимиз керак бўлади...
- Тўртта ўйин қолди. Биласиз биз доим ҳам осон чиқмаймиз гуруҳдан, ўзимизни қийнаб, қийналиб учинчи босқичга чиқамиз.
- Бизни ғалабадан 10 дақиқа ажратиб турганди. Бешинчи ҳимоячини тушириб тактикани ўзгартириш пайти эмасмиди? Яъни Одил Аҳмедовни олдинга чиқариб...Тўғри, сиз мураббийнинг ишига аралаша олмайсиз, шундай бўлсада ўзингизни муносабатингизни билдирсангиз.
- Менимча ҳимояга ётиб олиш хато қарор ҳисобланарди. Мудофаага қайтиб ютқазгандан кўра ҳужумкор ўйин намойиш этганимиз мухлисларга ҳам манзур келарди.
- Рақиб маҳорат ва тажриба эвазига ғалаба қозондими?
- Класс бўйича ютқаздик деб ўйламайман. Бизнинг футболчилар анчагина маҳорат бобида устун кўринди. Рақиб кучли ирода ҳисобига ғалабани тантана қилди.
Абдулазиз Искандаров суҳбатлашди
Манба: championat.asia “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
20 ёшли ўзбекистонлик қизни қариндоши Туркияга сотиб юборди
Эрон АҚШдан 1 трлн доллар компенсация талаб қилди
Жо Байден: “Баъзан хотиним мени космосга жўнатиш билан таҳдид қилади”
Туркиянинг Harper’s Bazaar нашри йил аёлини аниқлади (фото)
Шольц ва Путин ўртасидаги суҳбат Киевга сигнал бўлди
Рашида Толиб Конгресс аъзоларига «аччиқ ҳақиқат»нинг суратини кўрсатди
Айрим бошқарув сервис компаниялари шартномаларида асоссиз шартлар белгилангани аниқланди
Россиялик депутат: «Олий маълумотлиларнинг курерлик қилиши — ватанпарварликка зид»
