3 238
Сардор Рашидов: «Купер истеъфога чиқарилгач, Қатардаги ҳамма мисрликлар мени табриклашганди»
Сардор Рашидов Вадим Абрамов мураббийлигидаги Ўзбекистон миллий жамоасидан таклиф олмаган бўлса-да, клуби «Қатар СК» сафида ўз голлари билан мухлисларни қувонтирмоқда. У ФИФА кунлари сабаб юзага келган танаффусдан фойдаланиб, юртимизга қайтди.
Фурсатдан фойдаланган Kun.uz сайти мухбири Жиззахда Сардор Рашидов билан учрашиб, интервью олди. Суҳбат давомида легионер футболчи миллий жамоамиз собиқ бош мураббийи Эктор Купер ҳақида ҳам фикр билдирди.
«Эктор Купер ўйин ва натижа жиҳатдан бизга ҳеч нарса бермади. Қатарда мисрликлар жуда кўп. Клубимизда ҳам мисрлик футболчилар, мутахассислар, клуб ишчилари талайгина. Қизиғи, Купер бизга бош мураббий бўлганида уларнинг аксарияти «Купер сизларда иш бошлабди, муаммога йўлиқибсизлар-да», дейишганди. Негадир мисрликларнинг ҳаммаси Куперни ёқтиришмасди. Қайси мисрлик билан гаплашмай, у бизни “ўлдириб кетган” дейишарди. Купер истеъфога чиқарилгач, Қатардаги мисрлик мураббий ва футболчилар хурсанд бўлиб, мени табриклашганди.
Айнан унинг қўл остидаги ўз ўйиним ҳақида гапирадиган бўлсам, ўшанда мен ҳужум ҳақида эмас, кўпроқ ҳимоямиз ҳақида ўйлашим керак эди. Унинг талабини бажармасам, дарҳол захирага оларди. Бизда ҳужумкор яхши футболчилар кўп бўлса-да, Эктор Купер энг аввало ҳимоя ҳақида ўйлашимиз кераклиги ҳақида гапирарди. Ҳаттоки Мисрда ҳам шундай ишлаган экан. Мисрликнинг айтишича, Купер Миср терма жамоасида ҳам Муҳаммад Салоҳдан бошқа ҳаммани асосан ҳимояда тўп суришларини талаб қилган экан» - дейди Сардор Рашидов. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда ўтган уч ойда қанча автомобиль ишлаб чиқарилган?
Америкалик олимлар барча учун бирдек фойдали жисмоний фаоллик турини аниқлади
Қайси кундалик одатлар иммунитет пасайишига олиб келишини биласизми?
Россия дунёдаги биринчи водород ёқилғили автомобилни тақдим этди
Эрон президенти жиддий баёнот берди: «Исроилдан ҳеч нарса қолмайди»
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда