21:57 / 09.12.2019
3 108

Ўзбек мутахассислари "Бешиктош" клубида

Ўзбек мутахассислари "Бешиктош" клубида
Маълумки, юртимизда мураббийларнинг малакасини оширишга ҳам алоҳида эътибор қаратилмоқда. Шу мақсадда бир гуруҳ мутахассисларимизга «Про» лицензияси учун ўқув-семинарлари ўтказилмоқда ва бу бир нечта модулларни ўз ичига олади. Навбатдаги модулда эса мураббийлар хорижда малака ошириши белгилаб қўйилганди.

Шу боис «Насаф» бош мураббийи Рўзиқул Бердиев, «Пахтакор» клубининг спорт директори Жаъфар Ирисметов ҳамда ушбу клубнинг мураббийлар штабида ишлаб келаётган Жасур Абдураимов айни пайтда Туркиянинг етакчи клубларидан бири ҳисобланган «Бешиктош» клубида ўз малакаларини оширмоқдалар. У ерда ушбу жамоанинг машғулотлари, ўйинлари, футбол тизими ва яна бошқа масалалар бўйича ўзлари учун янги билимларни ўзлаштирмоқдалар.

Бу ҳақда Жаъфар Ирисметов ўзининг фейсбукдаги саҳифасида маълум қилган.

Эътиборлиси, Ирисметов «Бешиктош» клубининг бош мураббийи Абдулла Авчи билан учрашган ва унга ўзбекона зарбоф тўн совға қилган. Ирисметовнинг маълум қилишича, вакилларимиз Туркияда 14 декабрга қадар малака оширадилар.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Ўзбек мутахассислари "Бешиктош" клубида