Фото: Жисмоний тарбия ва спорт вазирлиги матбуот хизмати
Шу кунларда Ҳиндистоннинг Нью-Деҳли шаҳрида спорт курашлари бўйича Осиё чемпионати бўлиб ўтмоқда. Ўзбекистонлик юнон-рум курашчилари Осиё чемпионатида 6 медални қўлга киритган ҳолда иккинчи бўлишди.
Мусобақанинг иккинчи кунида 1 та кумуш ва 3 та бронза медалларини терма жамоамиз ҳисобига ёзиб қўйишди.
Осиёнинг энг кучлиларини аниқлаб берувчи ушбу мусобақада -67 кг вазн тоифасида курашларда қатнашган Маҳмуд Бахшиллоев чорак ва ярим финал баҳсларида Сурия ва Ҳиндистондан ташриф буюрган курашчиларни таслим этган ҳолда финалга йўл олди.
Финалда эса ҳамюртимиз жанубий кореялик Хансу Рюга қарши кураш олиб борди. Муросасиз кечган жангда Бахшиллоев кичик ҳисобда имкониятни бой бериб қўйди ва кумуш медаль эгасига айланди.
Шунингдек, -60 кг вазнда Исломжон Баҳромов, -82 кг вазнда Жалгасбай Бердимуратов, -97 кг вазнда Муҳаммадали Шамсиддинов бронза медаллари билан тақдирланди.
Умумий ҳисобда спортчиларимиз Осиё чемпионатида 1 та олтин, 2 та кумуш ва 3 та бронза медалларини қўлга киритган ҳолда қитъада Эрондан сўнг иккинчи ўринни эгаллашди.
Маълумот учун, биринчи кун баҳсларида уч нафар ўзбекистонлик шоҳсупага кўтарилган, улардан Элмурат Тасмурадов бешинчи бор Осиё чемпиони бўлган эди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Велосипедда сайр қилиш учун 3 сабаб: ёшартиради, оздиради ва умрни узайтиради
Тошкентда 02 кодли авторақамлар тахминан қачон пайдо бўлиши айтилди
Россия дунёдаги биринчи водород ёқилғили автомобилни тақдим этди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Владимир Путин «Крокус»да содир этилган теракт учун ўч олишга чақирди
“Толибон” Афғонистоннинг Хост вилоятида беш нафар фуқарони қамчи билан жазолади
Зоир Мирзаев “Телефонсиз мактаб”га 300 млн сўм мукофот берди
Америкалик олимлар барча учун бирдек фойдали жисмоний фаоллик турини аниқлади