Расман! "Барселона" янги ҳужумчи сотиб олди (фото)

“Леганес” клуби форварди Мартин Брэйтуэйт фаолиятини “Барселона”да давом эттирадиган бўлди. Бу ҳақда каталонияликлар расмий сайти хабар тарқатмоқда.

Юқоридаги манбага кўра 28 ёшли даниялик футболчи “кўк-анор ранглилар” билан 2024 йилга қадар шартнома имзолаган. Унинг трансфери эса “Барса”га 18 млн еврога тушган.
Томонлар ўртасидаги келишувга кўра Брэйтуэйтнинг товон пули 300 млн евро этиб белгиланди.

Маълумот учун, Брэйтуэйт жорий мавсум Ла Лигада 24 та ўйинда майдонга тушди ва 6 та гол уришга эришди.