Вадим Афонин Тошкентнинг "Локомотив" клубига ўтди

Ўзбекистон терма жамоаси собиқ ярим ҳимоячиси Вадим Афонин юртимизга қайтди. Бир неча йил давомида Россияда тўп тепган футболчи Тошкентнинг "Локомотив" клуби билан шартнома тузди. Афонин "темирйўлчилар" сафида катта эҳтимол билан 8-рақамда ўйнайди.

Маълумот учун, Афонин фаолияти давомида Ўзбекистонда "Трактор" ва "Шўртан", Россияда "Рубин", "Салют", "Анжи" ва "Оренбург" клубларида ўйнаган. 2012-2017 йиллар давомида Ўзбекистон терма жамоаси сафида 6та ўйинда майдонга тушган.