Фото: Getty Images
Бугун 30 март. Серхио Рамос 34га кирди. Бу йигит ҳақида нима ёзишниям билмайди одам. У ҳақда берилган таърифлар, у ҳақда ёзилган эсселар шу қадар кўпки, қай бирини тақдим этишни ҳам билмас экансан шундай пайтда. Қисқа қиламан.
Рамос – ўйнаётган афсона. Энг яхши таъриф шу. Яна бир таъриф борки, Серхионинг ўзи бизга айтиб беради:
“Ўн беш ёшимдан бери “Севилья”даман. Тўрт йил ўтгач, бор-йўғи 19 ёшимда мени терма жамоага чақиришди. Машғулотларидан бирига борар эканман, одатий юмушларимни қилдим: сумкамда эҳтиёжимга керак матоҳлар, бутса ва формам. Чунки терма жамоа машғулотидан ё ўйинидан сўнг уйга қайтасан, бу нарсаларни ўзинг билан олиб юришинг керак.
Ўша куни мен уйга қайтмадим. Балки Лас Росасда соат 23:30да шартномага қўл қўйдим. Трансфер ойнаси ёпилишига ярим соат қолганди. Шартноманинг пастки қисмига қўл қўяр эканман, бунга ўша пайти ишонолмасдим. Ҳа, ҳа, ўша куни телефоним смсларга тўлиб кетди. Ҳаётим давомида энг кўп смс қабул қилган куним эди.
Бу имзонинг остида олдинга ташланган катта қадам ва оғир масъулият ётарди. Ҳозир мен яна ўша ғўр давримга қайтиб қолсам ҳам, шу ишга такрор қўл урардим.
Тасаввур қилиш қийин, “Севилья” ўйинчиси бўлиб уйқуга ётасан, “Реал” ўйинчиси бўлиб уйғонасан. Даҳшатку! Ва эрталаб бир жамоага боришингни-да биласанки, у ердаги кийим алмаштириш хонасида сени Рауль, Бекҳэм, Зизу, Икер, Роберто Карлос, Роналдо каби юлдузлар кутиб олади. Ахир, уларнинг бари менинг кумирларим-ку. 12 соатдан сўнг улар билан бир хонадасан. Даҳшатку бу!
Дунё остин-устун бўлиб кетгандек туюларди менга!”
Зўр изоҳлар, а? Ҳа, Рамоснинг гапларида самимият бор. Ўша ғўрлик даврини самимий эслай олган. Лекин бугун у шундай даражага чиқдики, Қироллик клубига келадиган ҳар қандай ёш болакайнинг хаёлидан энди Серхио номи биринчи бўлиб эсланадиган рўйхат тузилади. Бўлди. Эртак шундай бўлади. “Атлетико” дарвозасига сўнгги сонияларда урган голи каби тугайди ва бошқачаси Рамос каби афсонавий юлдузга ярашмайди ҳам.
Дарвоқе, “Атлетико” дарвозасига урилган голидан сўнгги гапини эсланг: "Энди хотиржам ўлсам бўлаверади!"
Хайрулла Ҳамидов
“Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Айрим бошқарув сервис компаниялари шартномаларида асоссиз шартлар белгилангани аниқланди
Ҳар қандай катта ёшдаги киши етук эмас
Жо Байден: “Баъзан хотиним мени космосга жўнатиш билан таҳдид қилади”
Кремль Украина бўйича музокарада шартлар қўйишга уринмоқда
Apple донгдор икки айфонини расман эскирган деб эълон қилди
Пашинян Арманистоннинг Мустақиллик декларацияни энг катта муаммо ва фожиа деб атади
Яхши пишган ва мазали анор танлашга ёрдам берадиган тавсиялар
Россиялик депутат: «Олий маълумотлиларнинг курерлик қилиши — ватанпарварликка зид»
