ФИФА янги рейтинги эълон қилинди: Ўзбекистон ўрнида қолди

Халқаро футбол федерацияси - ФИФА мамлакат миллий жамоаларининг 11 июнь ҳолатига кўра янги рейтинг жадвалини эълон қилди.
Пандемия сабабли миллий жамоалар ўйин ўтказмагани боис, рейтинг ўзгаришсиз қолди. Ўзбекистон миллий жамоаси рўйхатнинг 85-поғонасидан жой олган. Осиё миллий жамоалари ўртасида бу 12-кўрсаткичдир. Марказий Осиё жамоалари орасида эса энг яхши натижадир.

ОФКга аъзо федерациялар орасида Япония миллий жамоаси пешқадам саналади - 28-ўрин. Эрон ва Жанубий Корея эса бу борада учликда қолган.

Дунё рейтингида аввалги ойда бўлганидек Бельгия, Франция ва Бразилия миллий жамоалари етакчилик қилмоқда.

Кучли ўнлик билан танишинг:
1. Бельгия — 1765 очко
2. Франция — 1733
3. Бразилия — 1712
4. Англия — 1661
5. Уругвай — 1645
6. Хорватия — 1642
7. Португалия — 1639
8. Испания — 1636
9. Аргентина — 1623
10. Колумбия — 1622. «Замин»ни Telegram’да ўқинг!