«Насаф» клубининг логотипи ўзгарди

^{"Насаф"нинг янги логотипи}
Хабарингиз бор, «Насаф» жамоаси Coca-Cola Суперлигаси 9- турида Қўқоннинг “Қўқон-1912“ жамоаси меҳмони бўлганди (2:2).
Айнан шу беллашувда «аждарлар» ўзларининг янги формаларида ҳаракат қилишди. Эътибор қилган бўлсангиз янги формада жамоанинг янги рамзи акс эттирилган.

Ўзингизга маълум, жамоа 2009-2011 йиллардаги спорт формасида аждар рамзи туширилган логотипдан фойдаланган эди. Жамоанинг халқ орасидаги номи ҳам айнан «аждарлар» деб юритилади. Клуб раҳбарияти мавсум аввалида кўп сонли мухлисларнинг таклифларини инобатга олган ҳолда яна ушбу рамзга янгича руҳда қайтишни ният қилган эди. Аммо бутун дунё бўйлаб ёйилган коронавирус пандемияси туфайли режаларни бироз чўзиб туришга тўғри келди.

Жамоа логотипида «аждар» тимсолининг акс этиши ҳам Қарши шаҳри тарихига бориб тақалади. 2006 йилда Қарши шаҳрининг 2700 йиллик юбилейи нишонланганида хабарингиз бор. Айнан Қарши тарихини ўрганиш жараёнида Қарши яқинидаги Ерқўрғон тепаликларидан «аждар» тимсоли акс эттирилган тангалар топилган!

Манба: fcnasaf.uz «Замин» янгиликларини «Вконтакти»да кузатиб боринг