18:48 / 18.07.2020
860

Қудратилло Абдуқаҳҳоровнинг чемпионлик жанги санаси ва манзили маълум бўлди

Қудратилло Абдуқаҳҳоровнинг чемпионлик жанги санаси ва манзили маълум бўлди
Фото: Twitter
Ўзбекистонлик профессионал боксчи Қудратилло Абдуқаҳҳоров 2020 йилнинг 26 сентябрь куни АҚШда ярим ўрта вазн тоифасида собиқ жаҳон чемпиони Сергей Липинецга қарши жанг ўтказади. Бу ҳақда россиялик спортчининг менежери Алекс Вайсфелд маълум қилди.

«Липинец ва Абдуқаҳҳоров ўртасидаги жанг 26 сентябрь куни бўлиб ўтади. У кечанинг асосий жанги бўлади. Жанг Коннектикутда (АҚШ) бўлиб ўтиши режалаштирилган», — дейди Вайсфелд.
Қайд этиш жоиз, ушбу жанг ғолиби ярим ўрта вазн тоифасида вакант бўлиб турган IBF чемпионлик камарини қўлга киритади.

Маълумот ўрнида, Қудратилло шу кунгача профессионал боксда 17 та жанг ўтказиб, уларнинг барчасида ғалаба (9 та нокаут) қозонган. Липинецнинг жанглари сони ҳам 17 тани ташкил этади. У 16 та жангда ғолиб (12 та нокаут) бўлган, 1 тасида эса имкониятни бой бериб қўйган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)