Ўзбекистонлик теннисчи Темур Исмоилов келишилган ўйинларда иштирок этгани учун 7 йилга спортдан четлатилганди. Жисмоний тарбия ва спорт вазирлиги ушбу ҳолат юзасидан баёнот берди.
«Темур Чингизович Исмоилов 1995 йил 14 январда туғилган. 2013 йилдан 2017 йилгача Ўзбекистон терма жамоаси шарафини ҳимоя қилган. Ўша йили оиласи билан бирга доимий яшаш учун АҚШга кўчиб кетганлиги сабабли терма жамоа сафидан чиқарилган.
Т.Исмоилов ҳалигача АҚШ фуқаролигини олмагани боис Халқаро теннис федерацияси (ITF) ҳамда профессионал теннисчилар ассоциацияси (АТР) таснифига кирувчи мусобақаларда Ўзбекистон байроғи остида қатнашиб келган.
Бугун, 2020 йил 23 декабр куни теннис ўйинларини текширишга масъул бўлган Tennis Integrity Unit ташкилоти Т.Исмоиловнинг ITF ҳамда АТР таснифидаги турнирларда келишилган ўйинларда иштирок этгани учун 7 йилга спортдан четлатилгани ҳақидаги қарорини матбуотда эълон қилди.
Айни пайтда Темур Исмоилов теннис бўйича Ўзбекистон терма жамоаси аъзоси сифатида рўйхатда турмаслигини маълум қиламиз», дейилган вазирлик баёнотида.
Эслатиб ўтамиз, дисквалификация ҳақидаги қарорда Исмоилов уч маротаба – 2014, 2015 ва 2019 йилларда келишилган ўйинларда қатнашгани айтилганди. Теннисчининг ATP рейтингида энг юқори позицияси 756-ўрин бўлган. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Ўзбекистонда ўтган уч ойда қанча автомобиль ишлаб чиқарилган?
Damas учун онлайн контрактация очилади
АҚШнинг Суриядаги ҳарбий базасига ракеталар ҳужум қилди
Владимир Путин «Крокус»да содир этилган теракт учун ўч олишга чақирди
Футзал. Осиё Кубоги. Тожикистон Японияни гуруҳда қолдирди
Америкалик олимлар барча учун бирдек фойдали жисмоний фаоллик турини аниқлади
