08:00 / 22.03.2021
1 217

Фергюсон Нурмагомедов қарорига муносабат билдирди

Фергюсон Нурмагомедов қарорига муносабат билдирди
Фото: «Jerry Lai / Reuters»
Aмерикалик аралаш услубдаги жангчи (ММA) Тони Фергюсон Ҳабиб Нурмагомедовнинг карьерасини якунлаш тўғрисидаги қарорига муносабат билдирди. Спортчи Twitterда россияликнинг менежери Aли Aбдул-Aзиз постига изоҳ қолдирган.

AҚШлик спортчи UFC чемпионини ҳақоратлаб, уни қўрқоқликда айблади. Шунингдек, у спортни тарк этганидан сўнг Нурмагомедов руҳан унга таслим бўлганини айтди.

19 март куни UFC раҳбари Дэйна Уайт россиялик спортчи Ҳабиб Нурмагомедов карьерасини расман тугатганини эълон қилганди. Энди бўшаб қолган енгил вазнда UFC чемпионлик унвони учун Майкл Чандлер ва Чарльз Оливейра кураш олиб боришади.

Нурмагомедов 29 та жангда 29 ғалабага эришган: шулардан 13 тасини UFCда амалга оширган. Унинг вақтинчалик чемпионлик камарига эгалик қилган Фергюсон билан жанги турли сабабларга кўра беш марта бекор қилинган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Фергюсон Нурмагомедов қарорига муносабат билдирди