3 303
«Навбаҳор» – «Пахтакор» ўйинидан кейин ичида ҳакамлар бўлгани айтилган МТРК машинаси ҳужумга учради
Суперлига 5-турининг марказий ўйини Наманганда ўтказилди. Маҳаллий «Навбаҳор» клуби амалдаги чемпион ва турнир жадвали етакчиси «Пахтакор»ни қабул қилди. Ўйинда Тошкент клуби 2:1 ҳисобида ғалаба қозонди. «Пахтакор» сафида Драган Черан иккита гол урган бўлса, Ислом Исоқжонов ягона жавоб голини киритди.
Учрашувнинг охирги дақиқалари асабий руҳда ўтди. «Пахтакор» ғалаба голини 90-дақиқада пенальтидан урди. Бош ҳакам Фирдавс Норсафаров жарима майдончаси ичида Сардор Рашидовга қарши қўполлик ишлатилди деб топди ва пенальти белгилади. Бош ҳакам аввалига пенальти белгиламади, лекин VAR'га мурожаат қилгач, пенальти бор деган қарорга келди. Драган Черан пенальтини совуққонлик билан голга айлантирди.
— Shukhrat (@bankir2102) April 8, 2021
Ўйиннинг иккинчи бўлими айнан пенальти сабаб 90+9-дақиқагача чўзилиб кетди. Ўйин тугаши билан эса Наманганда тўполон бошланди. Драган Черан пенальтини голга айлантирган вақтдаёқ наманганлик мухлислар стадионга тош ва бошқа буюмларни улоқтиришни бошлаганди. Ўйин тугаши билан ҳаммаси янада жиддий кўриниш олди. «Навбаҳор» мухлислари ҳакамлар гуруҳи ичида бўлгани айтилган МТРК машинасига ҳужум қилишди. Машинага зарар ҳам етказилган. Ҳакамларни ҳимоя қилган ИИБ ходимлари ҳам мухлислар ҳужумига учраган.
— Shukhrat (@bankir2102) April 8, 2021
Ижтимоий тармоқлар наманганлик мухлисларнинг ҳакамликдан норозилик билдирган мурожаатларига тўлиб кетди. Улардан бири футболнинг «катталарини», хусусан Равшан Эрматовни ҳакамликни назорат қилишга чақирган. Ўйин тугашида майдондан чиқаётган «Пахтакор» футболчиларига ҳам тош ва бошқа буюмлар улоқтирилган.
— Shukhrat (@bankir2102) April 8, 2021
Маълумот учун, Ўзбекистон чемпионати 5-туридан кейин «Пахтакор» 15 очко (100 фоиз натижа) билан етакчилик қилмоқда. «Навбаҳор» эса 4 очко билан 9-ўринга жойлашган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
Қозоғистонда яна 1 млрд доллар ноқонуний активлар давлатга қайтарилди
