09:00 / 12.05.2021
1 658

Чемпионлар лигасининг финали қаерда бўлиб ўтиши маълум бўлди

Чемпионлар лигасининг финали қаерда бўлиб ўтиши маълум бўлди

Чемпионлар лигаси финали Истанбулдан кўчирилади. Аммо илгари хабар қилинганидек Лондонга эмас, балки Порту шаҳрига.
«Спорт-Экспресс» хабарига кўра, яқин орада Чемпионлар лигаси финалининг ўтказиладиган жойи кўчирилгани эълон қилинади.

Демак, Англиянинг «Манчестер Сити» ва «Челси» клублари ўртасидаги учрашув 29 май куни Порту шаҳрида бўлиб ўтади.
Истанбул 2022 йилда финалга мезбонлик қилиши мумкин.

Буюк Британия ҳукумати Туркияни коронавирус билан боғлиқ ноқулай эпидемиологик вазиятга эга мамлакат сифатида «қизил ҳудуд»га киритган. Шу боис Туркиядан қайтиб келганларнинг барчаси 10 кунлик карантиндан ўтишлари керак. Шу сабабли Англия ҳукумати УЕФАдан Чемпионлар лигаси финалига кўпроқ инглиз мухлислари ташриф буюриши ҳисобга олиб, асосий баҳсни Истанбулдан бошқа жойга кўчиришни илтимос қилган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Чемпионлар лигасининг финали қаерда бўлиб ўтиши маълум бўлди