15 июндан бери ўзбекистонлик мухлисларнинг Вадим Абрамовга йўллаган саволлари жуда кўп. Энг асосийси у истеъфога қачон чиқарилиши. Ҳозирча, бу ҳақда ЎФА маълумот бермади. Аммо шуни айтиш керакки Вадим Карленовичнинг терма жамоада қиладиган иши тугаган. Шу кунларда Абрамов иштирокида матбуот анжумани ўтказилиши кутилмоқда.
Энди терма жамоани ким қўлга олиши аксарият ишқибозларни қизиқтирмоқда. Ижтимоий тармоқларда Рўзиқул Бердиев ва Тимур Кападзе номлари илгари сурилмоқда мухлислар томонидан, албатта. Аммо айни пайтдаги ҳолатдан келиб чиқиб маҳаллий мураббийлар терма жамоани қабул қилиши қийинроқ. Қолаверса, ундан олдинроқ Шота Арвеладзе ва Карлуш Кейруш варианти чиқа бошлаганди.
Номзодлар орасида ҳақиқатга яқинроғи Арвеладзе бўлиши мумкин. Чунки у аввалроқ "Пахтакор"га қайтиш борасидаги мурожаатга йўқ дея жавоб берди. Бир ой аввал сайтимизга “Пахтакор” клуби спорт директори Жаъфар Ирисметов Тошкент шаҳар ҳокими Жаҳонгир Ортиқхўжаев Арвеладзени “Пахтакор”га қайтариш учун шахсан ўзи унга қўнғироқ қилгани ва бу масала бўйича улар ўзаро гаплашишгани, аммо Шота Юстинович собиқ жамоасига қайтиш таклифини маълум сабабларга кўра қабул қилмаганини айтганди. Балки Арвеладзе биз кутмаган қарорни қабул қилиши мумкин.
Карлуш Кейруш билан икки йил аввал Эктор Купер келишидан олдин музокара ўтказилган. Аммо якунда томонлар келиша олмаганди. Бу гал яна ҳаракат қилиб кўрса бўлади. Ҳар ҳолда Осиё футболи бўйича катта тажрибага эга.
Бу тахминлар қанчалик тўғри эканлигини балки тез орада билиб олармиз. Ундан аввал эса бугун МОҚда ЎФАнинг навбатдан конгресси бўлиб ўтади. Ўшанда кўп масалаларга ойдинлик киритилиши мумкин. Конгресс 14:30да бошланади. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Терактдан кейин Россиядаги Тожикистон фуқаролари нафрат ва тажовузга дучор бўлмоқда
Эрдўғон террорчилар ҳақида кескин гапирди
Россия қўшинлари Авдеевкадаги иккита қишлоқни эгаллаб олди
Россиянинг ҳарбий операциядаги манёври Украинани ҳайратга солди
Россиялик терговчилар терактда айбланаётганлар оиласини сўроқ қилиш учун Тожикистонга келди
«Толибон» Москвадаги теракт ташкилотчиларини йўқ қилишга ваъда берди
АҚШ расмийлари: Миллионлаб америкаликлар хитойлик ҳакерлар ҳужумига учраган
Россия Украинанинг ҳарбий дрон йиғув иншоотларини йўқ қилди