23:33 / 19.09.2021
1 524

Ихтиёр Ропиев: “Аргентина ва Эрон борасида маълумотларимиз бор”

Ихтиёр Ропиев: “Аргентина ва Эрон борасида маълумотларимиз бор”
Ўзбекистон футзал терма жамоаси кеча жаҳон чемпионати гуруҳ босқичида Мисрни мағлуб этиб, кейинги босқичга йўлланма олди.
Ушбу учрашувдан сўнг терма жамоамизнинг етакчиларидан бири Ихтиёр Ропиев фикрлари билан ўртоқлашди.

"Аввалги икки учрашувдаги мағлубиятдан сўнг охирги ўйинда ғалаба қозонмасак бўлмасди. Миср билан қийин ўйин бўлди. Бизда ҳам, уларда ҳам имконият юзага келди. Фақатгина, ғалаба орқали кейинги босқичга чиқиш мумкинлигини туфайли охиригача курашдик. Ватанимиз ва халқимиз учун ҳам бизда орқага йўл йўқ эди. Ғалаба учун иштиёқ билан курашиб, якунда ғалаба қозондик", - деди Ропиев.

- Илгари Мисрга қарши ўйнаб, йирик ғалаба қўлга киритилган. Бу галги ўйин аввалгисидан фарқ қилдими?
- Ҳа, албатта. Ўтган гал кичик халқаро мусобақада тўқнаш келгандик. Ҳозир жаҳон чемпионатида тўп тепмоқдамиз. Шу жиҳатидан ўйинга бўлган маъсулият бошқача эди. Миср ҳам ўйин давомида бизга етарлича қаршилик кўрсатди. Босим уюштириб, ғалабани қўлга киритиш ниятида эканлигини яшириб ўтирмади.

- Сизнингча, терма жамоамиз кейинги ўйинда ким билан ўйнагани маъқул?
- Рақиб танламаймиз. Ким бўлса ҳам, мақсадимиз – ғалаба қозониш. Аргентина ёки Эронга қарши ўйнаганмиз. Иккиси борасида ҳам бизда маълумотлар бор. Менга қолса, Эрон билан тўқнаш келсак, яхши бўларди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Ихтиёр Ропиев: “Аргентина ва Эрон борасида маълумотларимиз бор”
[/banner_pushhouse