Суперлиганинг 21-туридан ўрин олган "Машъал" - "Насаф" (0:1) учрашувидан кейин меҳмонлар бош мураббийи Рўзиқул Бердиев ўз фикрларини билдирди.
"Ўйин у қадар юқори темпда кечгани йўқ. Бунга бир қатор сабаблар бор. Масалан, учрашув соат 15:30да бошлангани. Балки шу ҳам қийинчилик туғдиргандир. Асосийси биз ҳисобни назорат қилдик ва 1:0 ҳисобида ғолиб бўлдик. Биринчи таймда тўпни назорат қилдик ва позицион ҳужумлар қилдик, иккинчи таймда эса қарши ҳужумда тўп тепдик. Бу натижани сақлаб қолиш учун қилинган иш эди. Рақибга деярли имконият бермадик ва ҳимояда яхши ўйнадик", - деди Рўзиқул Бердиев.
- Ўтган тур "Бунёдкор"га 5та гол урдинглар, бугун эса "Машъал"га битта. "Машъал" ҳозир "Бунёдкор"дан кучлими?
- Йўқ, йўқ. Ҳамма ўйинда ҳам 5та гол ура олмаймиз. Бу футбол, қаердадир пасайиш бўлади. "Бунёдкор" ҳужумкор ўйнайди, "Машъал" ҳимоявий. Шу боис савол ноўрин бўлди.
- Бугун сизни нима қониқтирмади?
- Ҳозир айтдим, учрашув жуда барвақт бошланди. Биз асосан кечки салқинда ўйнаб келаётгандик. Бундан ташқари майдон ҳолати Қаршидаги майсадан фарқ қилади. Шу боис техник хатоларга кўп йўл қўйдик.
- Акмал Мозговой яқин масофадан гол ура олмади. Бунга муносабатиз қандай?
- Ундан олдин Норчаевда ҳам имконият бўлганди. Мозговой эса ҳужумчи эмас, унга техник ҳолат панд берди.
- Ғолиб Ғайбуллаев кам майдонга тушмоқда. Бунга сабаб нима?
- Уч ҳафталар олдин белидан жароҳат олиб машғулотларни ўтказиб юборди. Шу боис ҳозир тўлиқ тайёр эмас ва захирадан аста-секин имконият бериб боряпмиз. Ғолиб бугун ўз вазифасини ёмон бажармади.
- "Насаф"нинг халқаро майдондаги ҳолатидан хурсандмисиз?
- Албатта, биз ярим финалга чиқдик. Ўзбекистон шарафини ҳимоя қилаяпмиз ва мухлисларимизни хурсанд қилишга интиламиз.
- Норчаевнинг жароҳати ҳақида нима дея оласиз?
- Ўша вазиятда боши билан рақиб билан тўқнашиб кетди, иккинчи таймда алмаштирмоқчи эдим. Аммо ўйнай олишини айтди. Охирги ўйинлардагидек сермаҳсуллик кузатилмади. Битта вазият бўлди, ундан фойдалана олмади. Лекин унга ишонишда давом этамиз. Биласизлар терма жамоага ҳам жалб этилди. Норчаев фақат ҳужумда ўйнамайди, балки катта кўламдаги ишни бажаради. У тактик томонлама ўсишга эришмоқда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Иммунитетни кўтариш учун 6 та энг яхши витамин
НАТО собиқ қўмондони: “Путин Украинанинг тахминан 20 фоизини қўлга киритади”
АҚШ Исроилга пули тўланган бульдозерларни бермади
Трампнинг ўғли Зеленский яқин орада «нафақадан» маҳрум бўлишини ёзди
Трамп Путинга қўнғироқ қилиб, Украинадаги урушни муҳокама қилди
Рақобат қўмитаси биржада Аи-80 бензини бошланғич нархига чеклов ўрнатди
Учта вилоятда “валютчик”лар қўлга олинди
