11:03 / 21.10.2021
770

Рио-2016 совриндори Диёрбек Ўрозбоев 3 йилга дисквалификация қилинди

Рио-2016 совриндори Диёрбек Ўрозбоев 3 йилга дисквалификация қилинди
Рио-2016 олимпиадасининг бронза медали соҳиби Диёрбек Ўрозбоев Ўзбекистон Миллий антидопинг агентлигининг «Миллий тест рўйхати»га киритилган бўлиб, режали тарзда допинг-назоратидан ўтиши белгиланган. Жорий йилнинг 6 май куни спортчидан мусобақадан ташқари даврда допинг-синама олинган эди.

Текширув натижасида спортчи томонидан Бутунжаҳон антидопинг кодекси ва Ўзбекистон Миллий антидопинг қоидаларининг 2.1-моддасида кўрсатилган антидопинг қоидабузарлиги содир этилган яъни «Meldonium» тақиқланган моддаси истеъмол қилинганлиги аниқланган. Бу ҳақда Миллий антидопинг агентлиги матбуот хизмати хабар берди.

Натижада Ўрозбоев 3 йил муддатга дисквалификация қилинди. Дисквалификация 2021 йил 16 августдан 2024 йил 15 августга қадар этиб белгиланди.

Дзюдочи дисквалификация муддати тугаганга қадар Бутунжаҳон антидопинг кодекси ва Ўзбекистон Миллий антидопинг қоидаларининг 2.1-моддасида белгилаб қўйилганидек, халқаро ва миллий тоифадаги мусобақаларда иштирок этиши тақиқланади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Рио-2016 совриндори Диёрбек Ўрозбоев 3 йилга дисквалификация қилинди