Игор Сергеев гол урган ўйинда "Тобол" Қозоғистон чемпионига айланди

Қозоғистон Премьер-лигаси 26-туридан ўрн олган "Акжайик" - "Тобол" учрашуви якунига етди. Мазкур баҳсда меҳмонлар 2:0 ҳисобида ғалаба қозонди.

Костанаяликлар сафида Игор Сергеев 26-дақиқада ҳисобни очган бўлса, 59-дақиқада Тагиберген орадаги фарқни иккитага етказиб қўйди.

Ушбу ғалабадан сўнг ҳамюртимиз Игор Сергеев тўп тепаётган "Тобол" жамоаси 11 йиллик танаффусдан сўнг яна Қозоғистон чемпионага айланди.