UFC 269. Чарльз Оливейра Дастин Порьени таслим этиб, чемпионликни ҳимоя қилди

АҚШнинг Лас-Вегас шаҳрида Тошкент вақти билан 12 декабрь тонгида UFC 269 мусобақаси бўлиб ўтди.

Мусобақанинг асосий жанги енгил вазн тоифаси чемпиони Чарльз Оливейра (32-8) ва даъвогар Дастин Порье (28-7) ўртасида кечди. Учинчи раундда Оливейра рақибига бўғиш усулини қўллаб, ғалаба қозонди ва камарни муваффақиятли ҳимоя қилди.

Яна бир марказий жанглардан бирида сенсацион натижа қайд этилди. Анча вақтдан бери чемпионлик камарини ҳеч кимга бермай келаётган Аманда Нуньес кутилмаганда Жулиана Пеняга ютқазиб қўйди.

Қуйидаги мусобақа натижалари билан танишинг:

Асосий кард
- Чарльз Оливейра 3-раундда Дастин Порьени бўғиш услуби билан таслим этди;
- Жулианна Пеня 2-раундда Аманда Нуньесни сабмишен орқали мағлуб этди;
- Жефф Нил ҳакамлар қарори билан Сантиаго Понзиниббиодан устун келди;
- Кай Кара Франц 1-раундда Коди Гарбрандтни нокаутга учратди;
- Шон O’Мэлли 1-раундда Раулиан Пайвани нокаут қилди.

Прелим кард
- Жош Эммет ҳакамлар очколар ҳисобига Ден Игедан устун келди;
- Доминик Круз ҳакамлар қарорига кўра Педро Мунёсни енгди;
- Таи Туйваса 2-раундда Аугусто Сакаини нокаутга учратди;
- Бруну Сильва 1-раундда Жордан Райтни нокаутга учратди;
- Андре Муниз 1-раундда Эрик Андерсни сабмишен билан ютди;
- Эрин Бленчфилд ҳакамлар қарорига кўра Миранда Меверикдан устун келди;
- Райан Ҳолл ҳакамлар қарорига кўра Деррик Миннерни мағлуб этди;
- Тони Келли 2-раундда Ренди Костани нокаутга учратди;
- Жиллиан Робертсон 1-раундда Прицилла Качоэйрани сабмишен билан таслим этди. «Замин» янгиликларини «Вконтакти»да кузатиб боринг