Осиё чемпионати финали: Фарзона Фозилова қитъада тенгсиз!

Айни дақиқаларда Тошкент шаҳридаги "Универсал" спорт мажмуасида 22 ёшгача бўлганлар ўртасидаги Осиё чемпионати финал баҳслари бўлиб ўтмоқда.

Ушбу ҳал қилувчи жангларнинг дастлабкисида ҳамюртимиз -48 кг вазн тоифасидаги Фарзона Фозилова тожикистонлик Сумая Қосимова билан қитъада ким тенгсиз эканлигига ойдинлик киритишди.

Бутун жанг мобайнида рақибасига нисбатан фаолроқ ва аниқ ҳаракат қилган Фозилова якунда ғалаба қозониб, Осиё чемпиони деган номга сазовор бўлди!