iPhone 14 Pro Max ва Galaxy С22 Ултра краш-тестда солиштирилди (видео)

YouTube’даги PhoneBuff канали муаллифи иккита: Apple ва Samsung флагманларининг чидамлилигини солиштиришга қарор қилди. Смартфонлар асфальтга турли бурчаклардан ташлаб юборилган ва зарарлар солиштирилди. Синовда умумий тўртта тур ўтказилган. Уларнинг ҳар бири смартфонлар тушган жой билан ажралиб туради. iPhone 14 Pro Max ҳам, Galaxy С22 Ултра ҳам 1,5 метр баландликдан улоқтирилган.

Биринчи тур — орқа томони билан улоқтириш

• Samsung: бир нечта кичик ёриқлар ва рамка шикастланиши;
  
• iPhone: орқа панел бутунлай ёрилиб кетган ва битта камера линзалари синган.

Иккинчи тур — бурчакка тушиш

• Samsung: зарба билан тушган жойида ёриқлар бор, телефон яхши ишлайди;
  
• iPhone: деярли зарарланмаган.

Учинчи тур — экран томони билан улоқтириш

• Samsung: бутун дисплейда «ўргимчак тўри» ҳосил бўлди, бармоқ излари сканери ишламай қолди;
  
• iPhone: шиша бурчаги бироз ёрилиб кетди.

Тўртинчи тур — пўлат панелга тушиш

• Samsung: экранда ишламай қолган пикселлар пайдо бўлди;
  
• iPhone: орқа ойнаси синди.

Блогернинг сўзларига кўра, телефонлар синовдан бир хил даражада яхши ўтган. Иккала қурилма ҳам синов учун белгиланган 40 баллдан 38 балл олди. Тўрт улоқтиришдан кейин ҳам қурилмалар яхши ишлади. «Замин»ни Telegram’да ўқинг!