Samsung компанияси Galaxy Z Fold5 ва Z Flip5 билан бир қаторда Z ҳарфига ўхшаб букланадиган смартфонини чиқариши мумкин. Бу ҳақда инсайдер Йогеш Брар ижтимоий тармоқда маълум қилди.
Компания бир неча бор бундай қурилмаларнинг иккита илгакли прототипларини намойиш этган. Бу технология илгак ҳалқаларидан бири экранни ичкарига, иккинчисини эса ташқарига эгиш имконини беришини англатади. Натижада телефон қисман эгилганида ўзига хос Z шакли пайдо бўлади.
Ташқи илмоқ Galaxy Z Fold4 каби ташқи дисплейга эҳтиёж сезмасдан, букланадиган экраннинг бир қисмини смартфон дисплейи сифатида ишлатиш имконини беради.
Инсайдер, шунингдек, Samsung компанияси Galaxy S23 FE флагманининг бюджет версиясини чиқармаслигини маълум қилди.
Galaxy Z Fold5, Z Flip5 ва янги букланувчи смартфоннинг тақдимоти 2023 йил август ойида бўлиб ўтиши кутилмоқда.
“Замин” янгиликларини “Facebook”да кузатиб боринг
