Японияда танани совитувчи ёпинчиқ ишлаб чиқарилди (фото)

Япониянинг Infinity стартапи янги буюм – Infinity Cool Cooling Blanket ёпинчиғини тақдим этди. Ёпинчиқнинг ўзига хослиги шундаки, унга Ultimate Cool fiber махсус датчиклари ва ҳароратни тартибга солувчи Heat/temperature reactive ўрнатилган.

Ишлаб чиқарувчи компания маълумотларига кўра, ёпинчиқ ақлли датчиклар ва махсус “музлатувчи” толалар туфайли атиги 2 дақиқада ҳароратни 30 даражадан 19,5 даражагача тушира олади.

Ёпинчиқ қандай ишлайди? У намлик, тана ҳароратини ўқий олади ва совитиш эффектини яратади. У уйқу вақтида танадан узоқлашганда ҳам унга туташиб турса, совитишда давом этади. Буюм ишлаш вақтида баланд овоз чиқармайди.

Стартап аллақачон JIS стандарти бўйича синовдан ўтган, инновациялар соҳасида бош совринни олган ва Япония бош вазири бу янгиликни маъқуллаган.

Маҳсулотни яратувчиларнинг фикрига кўра, Infinity Cool ёпинчиғи нафақат ётоқхона, балки лагер ва саёҳат учун ҳам идеал восита ҳисобланади. Кичик ўлчамда бўлгани боис уни ўзингиз билан олиб кетиш осон.

Ишлаб чиқарувчи компания ёпинчиқни олиб юришга осон бўлиши учун совға сифатида унинг сумкасини ҳам тақдим этган.

Ёпинчиқнинг сифати ҳақида нима дейиш мумкин? У бир неча марта ювилгандан кейин ҳам кичраймайди. Маҳсулот матоси ҳаво ўтказиш функциясига эга бўлгани сабабли тез қурийди, бу уни гигиеник қилади.