Apple компанияси 12 сентябрдаги узоқ кутилган тақдимотида Apple Watch 9, Apple Watch Ultra 2, iPhone 15, 15 Plus, 15 Pro ва 15 Pro Мах’ни намойиш қилди.
Асосий янгиликлардан бири барча тақдим этилган iPhone’ларда USB-C улагичининг пайдо бўлиши. У илгари Apple томонидан телефонларда қўлланилган Lightning ўрнини эгаллайди. Кичик iPhone 15 ва 15 Plus моделлари илгари фақат Pro моделларида мавжуд бўлган Dynamic Island’ни олди. Телефон, шунингдек, иккинчи авлод Ultra Wideband чипини ҳам олди, бунинг ёрдамида масофада жойлашган қурилмаларга уч баробар тезроқ уланиши мумкин. Қурилмаларда овозни изоляция қилиш функцияси ҳам мавжуд.
iPhone 15 ва 15 Plus’нинг орқа юзаси хира ойнали қопламага эга. Телефонларнинг асосий камераси 48 мегапикселни ташкил қилади. Кичикроқ моделлар бешта — пушти, сариқ, оч яшил, кўк, қора рангда чиқарилади. iPhone 15 нинг экрани 6,1 дюймли, 15 Plus экрани эса 6,7 дюймли бўлади.
iPhone 15 Pro ва 15 Мах титандан ишлаб чиқарилган бўлиб, бу моделлар iPhone’нинг энг енгил Pro версияларига айланади. iPhone 15 Pro’да товуш режимларини алмаштириш учун жисмоний тугма бўлмайди, балки унинг ўрнига махсус ҳаракат тугмаси бўлади.
Янги iPhone’лар 75 фоиз қайта ишланган алюминий, 100 фоиз қайта ишланган кобалт, 100 фоиз қайта ишланган мис ва шишадан тайёрланган. Смартфон янгиланган OLED Super Retina дисплей билан жиҳозланган. Энг юқори ёрқинлик 2000 нитга етади.
iPhone 15/15 Plus камералари ҳақида қисқача:
Янги iPhone’лар Apple А16 Bionic чипи билан ишлайди. Компания оптималлаштириш ва энергия тежамкорлиги устида ишлаган, бунинг натижасида iPhone’лар энди кун бўйи қувватланмасдан ишлаши мумкин.
Сўнгги U2 чипи ҳам қурилма таркибидан жой олган. У янги Apple Watch Series 9 ва Apple Watch Ultra’да ҳам қўлланилади. Apple энди SOS Sattelite қамровини кенгайтириш учун АААSаt билан ҳамкорлик қилмоқда.
iPhone 15 Pro Мах модели янги перископ телефото камераси билан беш марта оптик масштабга эга бўлди, шунингдек, аниқроқ тасвирларни тақдим этиши керак бўлган қулай стабилизация функциясига эга. iPhone 15 Pro 3х катталаштирувчи камера билан қолди.
iPhone 15 — 799 доллардан, 15 Plus — 899 доллардан, 15 Pro — 999 доллардан ва 15 Pro — 1199 доллардан бошланади. Янги iPhone моделларига олдиндан буюртмалар 15 сентябрда очилади, сотувлар эса 22 сентябрга режалаштирилган.
Apple Watch Series 9 ва Ultra 2
Соат энди янги имо-ишорани қўллаб-қувватлайди. Энди қурилма билан ишлаш учун экранга тегмаса ҳам бўлади. Бунинг учун бош ва кўрсаткич бармоқни бир-бирига икки марта текказиш кифоя. Янги прoцессор олдинги моделга қараганда ўртача 50 фоизга тезроқ.
Максимал экран ёрқинлиги 2000 нит (олдинги моделга нисбатан икки марта). Батарея муддати тахминан 18 соат. Ultra 2 қимматроқ модел бўлиб, у икки баробар кўпрoқ ишлайди ва ёрқинроқ (экран 3000 нит). Apple Watch 9 — 399 доллар/499 (SIM карта билан), Ultra эса 799 долларга баҳоланмоқда.
“Замин” янгиликларини “Youtube”да кузатиб боринг
