Флорида университети мутахассислари инсон организмига жисмоний фаолликка ўхшаш таъсир кўрсатувчи препаратни ишлаб чиқди. Тажриба натижалари Journal of Pharmacology and Experimental Therapeutics журналида эълон қилинди.
Олимларнинг аниқлашича, SLU-PP-332 номи остидаги препарат спорт билан кўпроқ шуғулланиш имконини беради. Шунингдек, у организмдаги одатда спорт машғулотлари вақтида юз берадиган метаболик жараёнларни тезлаштиради. Препарат иштаҳага ҳеч қандай таъсир кўрсатмайди.
Мутахассисларнинг фикрича, ортиқча вазн умр кўриш давомийлигига таъсир қилади, ҳатто одам ўзини яхши ҳис қилса ҳам — ахир семизлик билан жиддий касалликлардан қочиб бўлмайди.
Шунингдек, балоғат ёшидаги ортиқча вазн кўп касалликларнинг ривожланишида қўшимча омил ҳисобланади. Шу сабабли метаболик жараёнлар секинлашади ва баъзида улар турли тизим ва органларнинг ишига путур етказади. Шифокорлар балоғат ёшида уларнинг параметрларини диққат билан кузатишни маслаҳат беришади. Шубҳасиз, билганингиздек, 40-45 йилдан кейин вазн йўқотиш аввалгидан кўра қийинроқ бўлади.
Мутахассислар нафақат вазн йўқотишга, балки организмдаги ёғ миқдорини кузатишга чақирадилар. Организмда ёғнинг ортиқча бўлиши умрнинг 4-5 йил қисқаришига олиб келади.
Олимларнинг фикрига кўра, вазни меъёрдан 10 килограмм ва ундан ортиқ бўлган одамлар алоҳида хавф остидадир. Айнан шу ҳолатда организмдаги виссерал ёғнинг кўпайиши ортади. Ва бу юрак-қон томир касалликлари, диабет ва бошқа ўлимга олиб келадиган касалликларнинг таҳдиди билан хавф солади.
“Замин” янгиликларини “Инстаграм”да кузатиб боринг
