Фото: “РБК”
АҚШ президенти Жо Байден администрацияси хусусий компаниялар ва фуқароларга “Касперский лабораторияси” томонидан яратилган дастурий таъминотдан фойдаланишни тақиқламоқчи. Бу ҳақда беш нафар америкалик расмийга таяниб, CNN хабар берди.
АҚШ Ички хавфсизлик департаменти 2017 йилда компаниянинг Россия разведкаси билан алоқаси борлигини гумон қилиб, федерал органларга “Касперский лабораторияси” маҳсулотларидан фойдаланишни тақиқлаган. Бироқ бу чора жисмоний шахслар ва компанияларга тааллуқли эмасди. Янги тақиқ АҚШ Савдо вазирлиги томонидан чиқарилиши кутилмоқда.
CNN манбаларига кўра, “Касперский лабораторияси” дастурларини тақиқлаш буйруғини ишлаб чиқиш якунланмоқда. Қарор апрель ойида эълон қилиниши мумкин.
Айрим “Касперский лабораторияси” маҳсулотлари ва хизматлари энди АҚШда ишламаслиги мумкин.
“Тақиқ антивирус дастурларига ҳам қўлланиши мумкин. Шу тариқа Оқ уй АҚШнинг муҳим инфратузилмаси учун хавфларни камайтириш ниятида”, — деб ёзади CNN.
АҚШ расмийлари Россия ҳукумати “Касперский лабораторияси” маълумотларидан Америка компаниялари ва фуқаролари ортидан жосуслик қилиш учун фойдаланиши мумкин, деб ҳисоблайди. Компания 2017 йилда АҚШнинг тақиқидан ҳафсаласи пир бўлганини, чунки расмийлар Россия разведка хизматларига алоқадорлиги тўғрисида далиллар келтирмагани ва айбловлар асосланмаганини айтган.
2016 йилда АҚШда “Касперский лабораторияси”нинг фойдаланувчи қурилмаларини ҳимоя қилиш бозоридаги улуши 4,3 фоизни ташкил этган бўлса, 2017 йилда у 3,8 фоизгача қисқарди. Бугунги кунда компания маҳсулотларидан бутун дунё бўйлаб 400 миллиондан ортиқ киши ва 240 минг компания фойдаланади. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мигрантларни Россиядан чиқариб юборишнинг янги тартиби таклиф этилди
Москва аэропортларида 1000 га яқин тожикистонлик қолиб кетди
Марказий банк раиси: “Уй-жой учун ажратилаётган кредитлар фоизи пасайиши кутилмоқда”
Green Card жавоблари қачон чиқиши эълон қилинди
Хитойда торнадо беш кишининг умрига зомин бўлди (видео)
Фронтдаги вазият: РФ армияси Донецк областида мудофаани ёриб ўтди
Қашқадарёда сифатсиз алкоголь маҳсулотлари муомалага киритилишининг олди олинди
Футзал, Осиё кубоги. Ўзбекистон терма жамоасининг Тожикистонга қарши асосий таркиби