![Британияда графендан ясалган мия имплантини инсонларда синаш бошланади](/uploads/posts/2024-08/xc22717da87_su6-n0zsenhuc1cpwpp2esow3mb-wrus.webp.pagespeed.ic.15IL8VxleS.webp)
Фото: Financial Times
Манчестердаги Миллий графен институтида бундан 20 йил аввал олинган илк графендан тайёрланган мия импланти август ойи охирида клиник синовлардан ўтказилади, деб хабар беради Financial Times.
Олимлар мазкур янгилик инсон миясини ҳозирги қурилмалардан кўра анча илғор бўлган ташқи компьютерлар билан боғлаш имконини беришига умид қилмоқда. Бу Паркинсон касаллиги, инсульт ва бошқа неврологик касалликларни даволашни яхшилайди. Имплант ҳаракати чекланган беморларнинг фикрларини нутққа айлантиришга ёки ҳаракатларни бажариш учун буйруқларни узатишга ёрдам беради.
«Инсонларда ўтказилган илк тадқиқотнинг асосий мақсади 8-10 нафар бемор миясига бириктирилган графен электродларининг хавфсизлигини намойиш этишдир», — дейди тадқиқот бош илмий раҳбари, профессор Костас Костарелос.
64 та графен электродли имплант глиобластома ўсимтасини олиб ташлаш учун ўтказиладиган биринчи нейрожарроҳлик амалиёти давомида ўрнатилади. Қурилма нейрон фаоллигини рағбатлантиради ва уларнинг ҳисоботини юритади.
Тадқиқотнинг кейинги босқичида Паркинсон касаллигини даволаш учун иккита элементдан иборат имплант синовдан ўтказилади: бири миянинг юқори қатламига «целлофан бўлаги каби» ўрнатилади, шунда у электр фаоллигини ўқийди, иккинчиси эса кассалик туфайли бузилган ҳаракат ва бошқа функцияларни бошқарадиган ҳудудларни яхшироқ рағбатлантириш учун мияга жойлаштирилади.
Графен гексагонал тузилишга эга углерод атомларидан ташкил топган бир атом қалинлигидаги икки ўлчамли материалдир. У углерод бирикмалар орасида энг мустаҳкам, энг енгил ва электр ўтказувчан ҳисобланади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![“Ҳизбуллоҳ” ўнлаб ракеталар билан Исроил шимолига ҳужум қилди расм](/uploads/posts/2024-08/xef31dae3a7_meoqwicunm4r2xsjy-_io2be0bvo1scd.webp.pagespeed.ic.mvAisXCnVx.webp)
“Ҳизбуллоҳ” ўнлаб ракеталар билан Исроил шимолига ҳужум қилди
![Холид Машал: ҲАМАС музокаралар олиб бормайди, ён босмайди ва Исроилни тан олмайди расм](/uploads/posts/2024-08/x9bc89d3e51_bmcyywxd7jumrzyaggorlogoaxraqyhl.webp.pagespeed.ic.T78YIEqdAj.webp)
Холид Машал: ҲАМАС музокаралар олиб бормайди, ён босмайди ва Исроилни тан олмайди
![Ислом Каримов: «Сен нимага ўйин қиласан?» расм](/uploads/posts/2024-08/xc8c3071902_karimovobit.webp.pagespeed.ic.ORlR1221Lt.webp)
Ислом Каримов: «Сен нимага ўйин қиласан?»
![Яқин Шарқ учун вақт деярли тугади расм](/uploads/posts/2024-08/x18e8f1e916_45013974_00768432_1280x0_80_0_0_495161e294d87a01db2ec532948a906e_jpg.webp.pagespeed.ic.0-7o3F_IWb.webp)
Яқин Шарқ учун вақт деярли тугади
![ҲАМАС етакчиси Исмоил Ҳанияни ўлдиришдан кўзланган мақсад очиқланди расм](/uploads/posts/2024-08/x9a33f98c51_920__95_4061711384.webp.pagespeed.ic.Q5fozUqq0a.webp)
ҲАМАС етакчиси Исмоил Ҳанияни ўлдиришдан кўзланган мақсад очиқланди
![“Ҳизбуллоҳ” Исроил шимолига ўнлаб ракеталар билан зарба берди расм](/uploads/posts/2024-08/xa2ee406a89_reuters-s-du3gjy.webp.pagespeed.ic.tFD5N2cbdE.webp)
“Ҳизбуллоҳ” Исроил шимолига ўнлаб ракеталар билан зарба берди
![Эрдўған: 2024 йилги Олимпиада очилиш маросими ғазабга сабаб бўлди расм](/uploads/posts/2024-08/xe4c5e8a564_hytn80-liyvh2e8pk0uoojx0ncelv6eg.webp.pagespeed.ic.wNMPfAskPq.webp)
Эрдўған: 2024 йилги Олимпиада очилиш маросими ғазабга сабаб бўлди
![Эрон олий раҳбари Исроилга тўғридан-тўғри ҳужум қилиш ҳақида буйруқ берди расм](/uploads/posts/2024-08/x674c671135_40565793_0022001239_1280x0_80_0_0_609705e542ad80a544942dceb213bb92_jpg.webp.pagespeed.ic.l72S9oarEu.webp)
Эрон олий раҳбари Исроилга тўғридан-тўғри ҳужум қилиш ҳақида буйруқ берди