Туркия Instagram’ни блокдан чиқариш шартини айтди

^{Фото: Google Images}
Туркия ҳукумати агар Мета компанияси узр сўраса, Instagram’ни блокдан чиқаришга тайёр. Бу ҳақда Туркия транспорт ва инфратузилма вазири Абдулқодир Ўралўғли Анқарада маълум қилди.

У Instagram Исмоил Ҳаниянинг ўлими тўғрисидаги баъзи постларни огоҳлантиришсиз ўчириб ташлаганини айтиб ўтди.

Вазирнинг қўшимча қилишича, муҳокамалар давом этмоқда ва жараён назорат остида.

Маълумот учун, 2 август куни Туркия Instagram’га киришни ёпган эди. Бунга платформа ҲАМАС етакчиси Исмоил Ҳания ҳақидаги постларни блоклагани сабаб қилиб кўрсатилган. “Замин” янгиликларини “Telegram”да кузатиб боринг