Beepul USSD-коди орқали онлайн-тўловларни амалга ошириш мумкин

Beeline Beepul тўлов тизимининг имкониятлари ҳақида хабар беради. Абонентлар Beepul тизимини USSD команда орқали рўйҳатдан ўтказишлари ва исталган жойдан мобил баланси ҳисобини, шунингдек бошқа алоқа компаниялари баланси ҳисобини тўлдиришлари, интернет-провайдер хизматлари, кабел ТВ, шахар телефонияси учун тўловларни амалга оширишлари, шунингдек автотўлов тизимини созлашлари мумкин.

Бунинг учун *999# териб рақам ва банк картасининг амал қилиш муддати ҳақидаги кўрсатмаларга риоя қилиш лозим. Маълумотлар тўғри кўрсатилгандан сўнг, абонент хизмат муваффақиятли ёқилгани ҳақида SMS олади, кейин эса Beeline хизматларини тўлаш имкони пайдо бўлади.

Эслатиб ўтамиз, Beepul – бу банк картаси (UZCARD Online) ёрдамида ҳам абонент сўрови бўйича, ҳам автоматик равишда комиссиясиз телефон балансини тўлдириш имкони. Қўшимча чиқимларсиз роумингда бўлганда ҳам балансни тўлдириш мумкин, шунингдек бир нечта пластик карталарни рўйҳатдан ўтказиш ва тўлов натижалари ҳақида SMS хабар ҳам олиш мумкин. «Замин»ни Telegram’да ўқинг!